മലിനജല പ്രശ്നത്തിൽ നടപടി ഇല്ലെന്നാരോപണം; കൊടുംവെയിലത്ത് കൊച്ചി കോർപ്പറേഷൻ മുന്നിൽ 74കാരൻ പ്രതാപന്റെ നിൽപ്പ് സമരം

എറണാകുളം: കൊടുംവെയിലിനെ അവഗണിച്ച് കൊച്ചി കോർപ്പറേഷൻ ഓഫീസിന് മുന്നിൽ 74കാരൻ നിൽപ്പ് സമരം. വൈറ്റില സ്വദേശിയായ പ്രതാപനാണ് പ്രതിഷേധവുമായി രംഗത്തെത്തിയത്.

Link

Embed

Copy and paste this HTML code into your webpage to embed.

അയൽവാസി പൊതുതോട് അടച്ചതിനെ തുടർന്ന് നായയുടെ വിസർജ്യം കലർന്ന മലിനജലം സ്വന്തം വീട്ടിലേക്ക് ഒഴുകിയെത്തുന്നുവെന്ന് പ്രതാപൻ ആരോപിക്കുന്നു. ഈ വിഷയത്തിൽ കോർപ്പറേഷനിൽ പരാതി നൽകിയിട്ടും ഇതുവരെ കാര്യമായ നടപടി ഉണ്ടായിട്ടില്ലെന്നും അദ്ദേഹം വ്യക്തമാക്കി.

നായ വളർത്തു കേന്ദ്രം അടച്ചുപൂട്ടുകയും മൂടിയ കാന തുറക്കുകയും ചെയ്യണമെന്നാണ് പ്രധാന ആവശ്യം. പ്രശ്നത്തിന് അടിയന്തര പരിഹാരം തേടിയാണ് ഇപ്പോൾ സമരം തുടരുന്നതെന്ന് പ്രതാപൻ പറഞ്ഞു.