ഇത്തവണത്തെ നിയമസഭാ തിരഞ്ഞെടുപ്പിലൂടെ ബിജെപിയുടെ ശബ്ദം നിയമസഭയിൽ ഉണ്ടാകുമെന്ന പ്രതികരണവുമായി കോഴിക്കോട് മണ്ഡലത്തിലെ എൻഡിഎ സ്ഥാനാർത്ഥി നവ്യ ഹരിദാസ്. നിയമസഭ തിരഞ്ഞെടുപ്പിൽ ബിജെപി ശക്തമായ മുന്നേറ്റം നടത്തുമെന്നും നവ്യ ഹരിദാസ് വ്യക്തമാക്കി. ഭാരതീയ ജനത പാർട്ടിയുടെ ശബ്ദം നിയമസഭയിൽ ഉണ്ടാകും. കോഴിക്കോട് നോർത്ത് മണ്ഡലത്തിൽ ത്രികോണ മത്സരമാണ് നടന്നതെന്നും നവ്യ ഹരിദാസ് വ്യക്തമാക്കി. അതിൽ മേൽക്കൈ നേടാൻ എൻഡിഎയ്ക്ക് കഴിയും. ഒരു മുന്നണിയുടെയും വോട്ടുകൾ ബിജെപി ചോർത്തില്ല. മതം പറഞ്ഞു ബിജെപി വോട്ട് പിടിച്ചിട്ടില്ല. എൻഡിഎ മുന്നോട്ട് വയ്ക്കുന്ന ആശയം വികസനമാണെന്നും നവ്യ വ്യക്തമാക്കി.
വ്യാജ പ്രചരണങ്ങൾ തിരിച്ചറിയാനുള്ള പക്വത ബിജെപിക്ക് ഉണ്ട്. ഭരണമാറ്റം വരണമെന്ന തീരുമാനത്തിലേക്ക് ജനങ്ങൾ എത്തിയിട്ടുണ്ടെന്നും അവർ പറഞ്ഞു. കൂടാതെ വനിത സംവരണ ബിൽ, സ്ത്രീകൾക്ക് ആത്മാഭിമാനം പകരുന്ന ചരിത്രപരമായ നീക്കത്തിലേക്ക് കേന്ദ്രം ചുവടുവെക്കുന്നു. വളരെ പുരോഗമനാത്മകമായ തീരുമാനം. മഹിളാ മോർച്ചയുടെ നേതൃത്വത്തിൽ ഭാരതത്തിലുടനീളം നാരീ ശക്തി സമ്മേളനം നടത്തുമെന്നും നവ്യ ഹരിദാസ് കൂട്ടിച്ചേർത്തു.
