ഏറ്റുമാനൂർ: തൃണമൂൽ കോൺഗ്രസ്സിന് കോട്ടയത്ത് പൂഞ്ഞാർ ഒഴികെയുള്ള യുഡിഎഫ് നിയോജക മണ്ഡലം തിരഞ്ഞെടുപ്പ് കമ്മറ്റികളിൽ നിന്നും ഒഴിവാക്കിയതിൽ തൃണമൂൽ കോൺഗ്രസ്സ് ജില്ലാ നേതൃയോഗം അമർഷം രേഖപ്പെടുത്തി.
പ്രവർത്തിക്കാൻ അവസരം ലഭിച്ചില്ലെങ്കിൽ യുഡിഎഫിന് വോട്ടു ചെയ്യില്ലെന്ന് നേതാക്കൾ പറഞ്ഞു.സഹകരിക്കുവാൻ കാേട്ടയം ജില്ലയിലെ യുഡിഎഫ് നേതൃത്വം തയ്യാറല്ലെങ്കിൽ മന:സാക്ഷി വോട്ടിന് തങ്ങൾ നിർബന്ധിതരാവുമെന്ന് ജില്ലയിലെ ഭൂരിപക്ഷം നേതാക്കളും അഭിപ്രായപ്പെട്ടു.
തൃണമൂൽ കോൺഗ്രസ് സംസ്ഥാന ചീഫ് കോഡിനേറ്റർ സജി മഞ്ഞക്കടമ്പിൽ നേതാക്കളെ സമാശ്വസിപ്പിക്കുവാൻ ശ്രമിച്ചുവെങ്കിലും നേതാക്കൾ അയയുവാൻ തയ്യാറായില്ല.
Whatsapp Group 1 | Whatsapp Group 2 |Telegram Group
യുഡിഎഫ് ജില്ലാ നേതൃത്വവുമായി ബന്ധപ്പെട്ട് ഉചിതമായ തീരുമാനം എടുക്കാമെന്ന സജി മഞ്ഞക്കടമ്പിലിൻ്റെ ഉറപ്പിനു ശേഷമാണ് കമ്മറ്റി പിരിഞ്ഞത്.
ജില്ലാ പ്രസിഡന്റ് ഗണേഷ് ഏറ്റുമാനൂർ യാേഗത്തിൽ അദ്ധ്യക്ഷതവഹിച്ചു.എം.എം ഖാലിദ്, നാേബി ജോസ്, സന്താേഷ് മൂക്കിലക്കാട്ട്, വിപിൻ രാജു ശൂരനാടൻ , അഫ്സൽ കാഞ്ഞിരപ്പള്ളി, സന്തോഷ് വള്ളോങ്കുഴി, ബിജു കണിയാമല, ബിജു തോട്ടത്തിൽ, വർഗ്ഗീസ് സ്കറിയ,
വി.ജി രമേശ്, അബ്ദുൾകലാം പി.എൻ , ബെെജു മാടപ്പാട്, , ശ്രീലക്ഷ്മി പാല, സോണി നരിക്കുഴി, രാജേഷ് ചെമ്പ്, ജോയി സബാസ്റ്റ്യൻ, സുരേഷ്ബാബു പി.ബി, പ്രിൻസ് ജെ ഫിലിപ് , കെ.എം കുര്യൻ, ശ്രീധരൻ നട്ടാശ്ശേരി എന്നിവർ പ്രസംഗിച്ചു.
