തിരുവനന്തപുരം: സർക്കാർ മെഡിക്കല് കോളജിലെ ഡോക്ടർമാരുടെ ഒ.പി ബഹിഷ്കരണം അഞ്ചാം ദിവസവും തുടരുന്നു.
സമരത്തെ നേരിടാൻ സർക്കാർ ഡയസ്നോണ് നിർബന്ധമാക്കിയെങ്കിലും പ്രതിഷേധം ശക്തമാക്കാനാണ് കെജിഎംസിടിഎയുടെ തീരുമാനം. സർക്കാരിന്റെ ഭാഗത്ത് നിന്ന് അനുകൂലമായ നിലപാട് ഉണ്ടായില്ലെങ്കില് ഫെബ്രുവരി 26 മുതല് അനിശ്ചിത കാലത്തേക്ക് എല്ലാ പരീക്ഷ ജോലികളും ബഹിഷ്കരിക്കാനാണ് ഡോക്ടർമാരുടെ തീരുമാനം.
അടിയന്തര ആരോഗ്യ സേവനങ്ങളെ സമരത്തില് നിന്ന് ഒഴിവാക്കിയിട്ടുണ്ട്.
കെജിഎംസിടിഎയുമായി പല ഘട്ടങ്ങളിലായി ചര്ച്ച നടത്തിയിരുന്നെങ്കിലും പരിഹാരം കാണാന് സര്ക്കാര് തയ്യാറായില്ലെന്നാണ് സംഘടനാ ഭാരവാഹികളുടെ ആക്ഷേപം.
Whatsapp Group 1 | Whatsapp Group 2 |Telegram Group
നിലവില് പുറത്തിറങ്ങിയ ഉത്തരവ് പ്രകാരം, പണിമുടക്കിലോ സമരത്തിലോ പങ്കെടുക്കുന്ന സര്ക്കാര് ജീവനക്കാര്ക്ക് ആ കാലയളവില് ഡയസ്നോണ് നിര്ബന്ധമാക്കിയിരിക്കുയാണ്. എന്നാല്, ചിലരെങ്കിലും ഹാജര് രേഖപ്പെടുത്തിയതിന് ശേഷം പണിമുടക്കില് പങ്കെടുക്കാന് ശ്രമിക്കുന്നുണ്ടെന്ന കണ്ടെത്തലിന് പിന്നാലെ അത്തരക്കാരുടെ പേരുവിവരങ്ങള് കൃത്യമായി കൈമാറണമെന്നാണ് ജില്ലാ മെഡിക്കല് വിദ്യാഭ്യാസ ഡയറക്ടര്ക്ക് അഡീഷണല് സെക്രട്ടറി ഉത്തരവ് നല്കിയിരിക്കുന്നത്.
