കൊല്ലം: കൊല്ലത്ത് നിന്ന് എറണാകുളത്തേക്കുള്ള മെമു ട്രെയിനുകളില് തിക്കും തിരക്കും കാരണം യാത്രക്കാർ കുഴഞ്ഞു വീഴുന്നു.
അവധി കഴിഞ്ഞ് കൂടുതല് പേർ മടങ്ങുന്ന ഞായർ, തിങ്കള് ദിവസങ്ങളില് അവസ്ഥ അതി രൂക്ഷമാണ്.
വിദ്യാർത്ഥികളും ജീവനക്കാരും കൂടുതല് ആശ്രയിക്കുന്ന പാസഞ്ചർ ട്രെയിനുകളില് രാവിലെയും വൈകിട്ടും മാത്രമാണ് കൂടുതല് തിരക്ക്. എന്നാല് കൊല്ലത്ത് നിന്ന് കോട്ടയം വഴിയും ആലപ്പുഴ വഴിയും എറണാകുളത്തേക്കുള്ള എല്ലാ മെമു സർവ്വീസുകളിലും ഒരേപോലെ തിരക്കാണ്.
Whatsapp Group 1 | Whatsapp Group 2 |Telegram Group
മറ്റ് ട്രെയിനുകളെക്കാള് കുറഞ്ഞ ടിക്കറ്റ് നിരക്കാണ് മെമുകളില്. തിരക്കിന്റെ കാരണവും അതുതന്നെ.
ദേശീയപാത നിർമ്മാണം നടക്കുന്നതിനാല് ബസില് ലക്ഷ്യസ്ഥാനങ്ങളില് എത്താൻ കൂടുതല് സമയമെടുക്കും. അതിനാല് വലിയൊരു വിഭാഗം ബസ് യാത്രക്കാർ മെമുവിനെ ആശ്രയിക്കുന്നുണ്ട്. എക്സ്പ്രസ് ട്രെയിനുകളില് ജനറല് കോച്ചുകള് കുറഞ്ഞതും യാത്രക്കാർ കൂടുതലായി മെമുവിനെ ആശ്രയിക്കാൻ ഇടയാക്കുന്നുണ്ട്.
