തിരുവനന്തപുരം: തദ്ദേശ തെരഞ്ഞെടുപ്പില് തിരുവനന്തപുരം കോര്പ്പറേഷന് നഷ്ടപ്പെട്ടതില് സിപിഎമ്മില് പൊട്ടിത്തെറി.
14 വാര്ഡുകളില് സംഘടനാപരമായി ഗുരുതര വീഴ്ച്ചയുണ്ടായതായി ജില്ലാ കമ്മിറ്റിയില് വിമര്ശനം. മേയറായിരുന്ന ആര്യാ രാജേന്ദ്രന് സ്വന്തം വ്യക്തിപ്രഭാവം നോക്കിയപ്പോള് പാര്ട്ടിക്ക് പ്രഭാവം നഷ്ടമായെന്ന് നേതാക്കള് വിമര്ശനം ഉന്നയിച്ചു. പാര്ട്ടിയെ ഒറ്റക്കെട്ടായി കൊണ്ടുപോകുന്നതില് ജില്ലാ സെക്രട്ടറിയ്ക്ക് വീഴ്ച്ചയുണ്ടായതീയും വിമര്ശനം ഉയര്ന്നു.
അതേസമയം ശബരിമല സ്വര്ണക്കവര്ച്ച കേസില് അറസ്റ്റിലായ സിപിഎം നേതാവ് എ. പത്മകുമാറിനെതിരെ നടപടി എടുക്കാത്തത് എന്തുകൊണ്ടാണെന്ന് അംഗങ്ങള് ചോദിച്ചപ്പോള് കുറ്റക്കാരനാണെന്ന് തെളിയാതെ നടപടി എടുക്കാനാവില്ലെന്ന നിലപാടാണ് സംസ്ഥാന സെക്രട്ടറി എംവി ഗോവിന്ദന് സ്വീകരിച്ചത്.
ഇന്നലെ ചേര്ന്ന ജില്ലാ കമ്മിറ്റി യോഗത്തിലാണ് നേതാക്കള്ക്കെതിരെ വിമര്ശനമുയര്ന്നത്. ആര്യാ രാജേന്ദ്രനെതിരെ മുന് മേയറും വട്ടിയൂര്ക്കാവ് എംഎല്എയുമായ വി.കെ പ്രശാന്തും ജില്ലാ പഞ്ചായത്ത് പ്രസിഡന്റ് വി.കെ മധുവും ജില്ലാ കമ്മിറ്റി അംഗങ്ങളായ എസ് എ സുന്ദറും എസ് പി ദീപക്കും രൂക്ഷവിമര്ശനം ഉന്നയിച്ചു.
Whatsapp Group 1 | Whatsapp Group 2 |Telegram Group
സ്വന്തം പ്രതിച്ഛായ ഉയര്ത്താന് മാത്രമാണ് ആര്യ ശ്രദ്ധിച്ചതെന്നും ഭരണം ശ്രദ്ധിച്ചില്ലെന്നും അതുകൊണ്ട് ഭരണം നഷ്ടപ്പെട്ടുവന്നുമായിരുന്നു വിമര്ശനം.
തിരുവനന്തപുരം ജില്ലാ സെക്രട്ടറി വി ജോയ് ആണെങ്കിലും വി ശിവന്കുട്ടിയും കടകംപളളി സുരേന്ദ്രനും ജില്ലാ സെക്രട്ടറിയുടെ റോളിലാണ് പ്രവര്ത്തിക്കുന്നത്. അവരുടെ പിടിവാശിയാണ് പല വാര്ഡുകളിലും പരാജയപ്പെടാന് കാരണമെും ജില്ലാ കമ്മിറ്റി അംഗങ്ങള് വിമര്ശിച്ചു.
