കോട്ടയം: സംസ്ഥാനത്ത് റെക്കോർഡിട്ട് സ്വര്ണവില. ചരിത്രത്തിൽ ആദ്യമായി ഒരു ലക്ഷം കടന്നു. അറിയാം കോട്ടയം അരുൺസ് മരിയാ ഗോൾഡിലെ ഇന്നത്തെ (23/12/25) സ്വർണവില.
ഇന്ന് പവന് 1760 രൂപ വര്ധിച്ചതോടെ സ്വർണ്ണ വില ഒരു ലക്ഷവും കടന്ന് കുതിച്ചു. 1,01,600 രൂപയാണ് ഇന്ന് ഒരു പവന് സ്വര്ണത്തിന്റെ വില. ഗ്രാമിന് 220 രൂപയാണ് വര്ധിച്ചത്. 12,700 രൂപയാണ് ഒരു ഗ്രാം സ്വര്ണത്തിന്റെ ഇന്നത്തെ വില.
ഇന്നലെ രണ്ടു തവണയായി 1440 രൂപയാണ് വര്ധിച്ചത്. ഈ മാസത്തിന്റെ തുടക്കത്തില് 95,680 രൂപയായിരുന്നു ഒരു പവന് സ്വര്ണത്തിന്റെ വില. 9ന് 94,920 രൂപയായി ഇടിഞ്ഞ് ഈ മാസത്തെ ഏറ്റവും താഴ്ന്ന നിലവാരത്തില് എത്തിയ സ്വര്ണവില പിന്നീടുള്ള ദിവസങ്ങളില് വൻ കുതിപ്പാണ് കുതിച്ചത്.
Whatsapp Group 1 | Whatsapp Group 2 |Telegram Group
ഡോളറിനെതിരെ രൂപയുടെ മൂല്യം റെക്കോര്ഡ് താഴ്ചയിലേക്ക് കൂപ്പുകുത്തിയതും യുഎസ് കേന്ദ്രബാങ്കായ ഫെഡറല് റിസര്വ് അടിസ്ഥാന പലിശനിരക്ക് കുറച്ചതും ഓഹരി വിപണിയിലെ അസ്ഥിരതയും അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്.
