കൊച്ചി: ആലപ്പുഴയില് വിവാഹദിനത്തില് സംഭവിച്ച കാറപകടത്തില് നട്ടെല്ലിന് ഗുരുതരമായി പരിക്കേറ്റ ആവണിയുടെ ചികിത്സ സൗജന്യമാക്കുമെന്ന് വിപിഎസ് ലേക്ഷോർ ആശുപത്രി മാനേജ്മെന്റ് അറിയിച്ചു.
ആവണിക്കും വരൻ ഷാരോണിനുമുളള വിവാഹസമ്മാനമായാണ് ശസ്ത്രക്രിയയും ചികിത്സയും സൗജന്യമാക്കിയത്. ആശുപത്രി മാനേജിംഗ് ഡയറക്ടര് എസ് കെ അബ്ദുള്ള അടങ്ങുന്ന സംഘം ആവണിയെയും കുടുംബത്തെയും സന്ദർശിച്ചു.
അപകടത്തില് നട്ടെല്ലിന് ഗുരുതരമായി പരിക്കേറ്റ യുവതിയുടെ ശസ്ത്രക്രിയ ഇന്ന് ഉച്ചയോടെയാണ് വിജയകരമായി പൂർത്തിയായത്. ആശുപത്രിയിലെ ന്യൂറോ സർജറി വിഭാഗം മേധാവി ഡോ.സുധീഷ് കരുണാകരന്റെ നേതൃത്വത്തിലായിരുന്നു ശസ്ത്രക്രിയ.
Whatsapp Group 1 | Whatsapp Group 2 |Telegram Group
പരിക്കിന്റെ സ്വഭാവമടക്കം വിശദീകരിച്ചുകൊണ്ടുള്ള വിശദമായ മെഡിക്കല് റിപ്പോർട്ട് പിന്നീട് പുറത്തുവിടുമെന്ന് ആശുപത്രി അധികൃതർ അറിയിച്ചു.
ഇന്ന് രാവിലെ 9.45 ഓടെയാണ് ശസ്ത്രക്രിയ ആരംഭിച്ചത്. ആവണി സർജിക്കല് ഐസിയുവില് നിരീക്ഷണത്തില് തുടരുകയാണ്. നില മെച്ചപ്പെടുന്നതിനനുസരിച്ച് ഇവിടെ നിന്ന് മാറ്റും.
