തിരുവനന്തപുരം: ശബരിമല സ്വര്ണക്കൊള്ള വിവാദത്തില് തിരുവിതാംകൂര് ദേവസ്വംബോര്ഡ് മുന്പ്രസിഡന്റ് എന് വാസു അറസ്റ്റില്.
പ്രത്യേക അന്വേഷണ സംഘമാണ് അറസ്റ്റ് ചെയ്ത്. ദേവസ്വം കമ്മീഷണറും പ്രസിഡന്റുമായിരുന്നു അദ്ദേഹം. വാസുവിനെ ഇന്നുതന്നെ കോടതിയില് ഹാജരാക്കുമെന്നാണ് വിവരം.
സ്വര്ണം പൊതിഞ്ഞ കട്ടിളപ്പാളികള് രേഖകളില് ചെമ്പാക്കിയത് എന്. വാസു ദേവസ്വം കമ്മിഷണറായിരുന്ന കാലത്താണെന്ന് കണ്ടെത്തിയിട്ടുണ്ട്.
രണ്ടു തവണ ദേവസ്വം കമ്മിഷണറും സ്വര്ണക്കൊള്ള നടന്ന് മാസങ്ങള്ക്കു ശേഷം ദേവസ്വം ബോര്ഡ് പ്രസിഡന്റുമായ വ്യക്തിയാണ് എന്.വാസു. വാസു കമ്മിഷണറായിരുന്ന കാലത്താണ് യുവതിപ്രവേശനം ഉള്പ്പെടെ നടന്നത്.
Whatsapp Group 1 | Whatsapp Group 2 |Telegram Group
കമ്മിഷണര് സ്ഥാനത്തു നിന്നിറങ്ങി ഏതാനും മാസത്തിനുള്ളില് ദേവസ്വം ബോര്ഡ് പ്രസിഡന്റായി വാസു മടങ്ങിയെത്തയത് അദ്ദേഹത്തിന് സി.പി.എമ്മിലും സര്ക്കാരിലുമുള്ള സ്വാധീനം വ്യക്തമാക്കുന്നതാണ്.
