കോഴിക്കോട്: പേരാമ്പ്രയില് യുവാവിനെ തോട്ടില് മരിച്ച നിലയില് കണ്ടെത്തി. പേരാമ്പ്ര ഹൈസ്കൂളിനടുത്ത് പാറക്കുടുമ്പിൽ കിഴക്കേ ചങ്ങരത്ത് കുന്നുമ്മല് സുധീഷിനെ (45) ആണ് മരിച്ച നിലയില് കണ്ടെത്തിയത്.
ഓട്ടോ ഡ്രൈവറായ സുധീഷ് പനി ബാധിച്ചതിനെ തുടർന്ന് താലൂക്ക് ആശുപത്രിയില് പോകുകയും പിന്നീട് തിരിച്ച് വീട്ടില് എത്താതായതിനെ തുടര്ന്ന് നടത്തിയ അന്വേഷണത്തിലാണ് ഇന്ന് രാവിലെ 9.15 ഓടെ വീടിന് സമീപത്തെ തോട്ടില് വീണ് കിടക്കുന്ന നിലയില് കണ്ടെത്തിയത്. ഉടന് തന്നെ ആശുപത്രിയില് എത്തിച്ചെങ്കിലും മരണം സംഭവിച്ചിരുന്നു. പോസ്റ്റ് മോര്ട്ടത്തിന് ശേഷം മൃദദേഹം വീട്ടുവളപ്പില് സംസ്ക്കരിക്കും.
