സംസ്ഥാനത്ത് മഴ മുന്നറിയിപ്പില് മാറ്റം. ഇന്ന് കോട്ടയം ഉൾപ്പടെ 10 ജില്ലകളില് കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചു. ഒറ്റപ്പെട്ടയിടങ്ങളില് അതിശക്തമായ മഴയ്ക്ക് സാധ്യതയുണ്ടെന്നാണ് മുന്നറിയിപ്പ്.
24 മണിക്കൂറില് 115.6 mm മുതല് 204.4 mm വരെ മഴയാണ് ഈ സാഹചര്യത്തില് പ്രതീക്ഷിക്കുന്നത്. കോട്ടയം, പത്തനംതിട്ട, ആലപ്പുഴ, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട് എന്നവയാണ് ഓറഞ്ച് അലർട്ട് പ്രഖ്യാപിച്ച ജില്ലകള്.
മഞ്ഞ അലർട്ട് നിലനില്ക്കുന്ന ജില്ലകള്
Whatsapp Group 1 | Whatsapp Group 2 |Telegram Group
22/10/2025: തിരുവനന്തപുരം, കൊല്ലം, കണ്ണൂർ, കാസറഗോഡ്.
23/10/2025: തിരുവനന്തപുരം, കൊല്ലം, പത്തനംതിട്ട, കോട്ടയം, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്.
24/10/2025: മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്.
ഒറ്റപ്പെട്ട ശക്തമായ മഴയാണ് മഞ്ഞ അലർട്ട് പ്രവചിക്കുന്നത്. ഈ ദിവസങ്ങളില് ഇടിമിന്നലോടു കൂടിയ മഴയ്ക്കും സാധ്യതയുണ്ട്. അതായത് 64.5 mm മുതല് 115.5 mm വരെയാണ് ഈ സമയത്ത് പ്രതീക്ഷിക്കുന്ന മഴ. കുറഞ്ഞ സമയം കൊണ്ട് വലിയ അളവില് മഴ ലഭിക്കാൻ സാധ്യതയുള്ളതിനാല് മലവെള്ളപ്പാച്ചിലിനും മിന്നല് പ്രളയങ്ങള്ക്കും സാധ്യതയുണ്ട്.
നഗരപ്രദേശങ്ങളിലും താഴ്ന്ന പ്രദേശങ്ങളിലും വെള്ളക്കെട്ട് രൂപപ്പെടാൻ സാധ്യതയുണ്ട്. മഴ തുടരുന്നത് മണ്ണിടിച്ചില്, ഉരുള്പൊട്ടല് എന്നിവയിലേക്കും നയിച്ചേക്കാം. പൊതുജനങ്ങളും സർക്കാർ സംവിധാനങ്ങളും അതീവ ജാഗ്രത പുലർത്തണമെന്ന് അധികൃതർ നിർദേശം നല്കി.
