മരം വെട്ടുന്നതിനിടയില്‍ തടി ദേഹത്ത് വീണു; ആലപ്പുഴയിൽ 52 കാരന് ദാരുണാന്ത്യം

ആലപ്പുഴ: മരം വെട്ടുന്നതിനിടയില്‍ തടി ദേഹത്ത് വീണ് തൊഴിലാളി മരിച്ചു. ആലപ്പുഴയിലെ കാർത്തികപ്പള്ളി സ്വദേശി കെ സന്തോഷ്‌ (52) ആണ് മരിച്ചത്.

Link

Embed

Copy and paste this HTML code into your webpage to embed.

ഇന്നലെ വൈകുന്നേരം 6 മണിയോടെ ഹരിപ്പാട് കെഎസ്‌ആർടിസി ബസ് സ്റ്റാൻഡിന് സമീപത്തെ വീട്ടില്‍ മരം മുറിക്കുന്നതിനിടയിലാണ് അപകടം. മുറിച്ച മരം വലിച്ചു താഴെയിട്ടപ്പോള്‍ ദേഹത്തേക്ക് വീഴുകയായിരുന്നു. കാല്‍ മണ്ണില്‍ പുതഞ്ഞതിനാല്‍ സന്തോഷിന് ഓടി മാറാൻ കഴിഞ്ഞില്ല.

ഒപ്പമുണ്ടായിരുന്നവർ ഉടൻ തന്നെ ഹരിപ്പാട് താലൂക്ക് ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.

അമ്മ- ലക്ഷ്മിക്കുട്ടി, ഭാര്യ-ബിന്ദു, മക്കള്‍- സന്ദീപ്, അപർണ.