തിരുവനന്തപുരം: നവകേരള വികസന പദ്ധതിയുമായി സംസ്ഥാന സർക്കാർ. ജനങ്ങള്‍ക്കു പറയാനുള്ളത് കേള്‍ക്കുമെന്നും സന്നദ്ധപ്രവർത്തകർ സർവ്വേ നടത്താനായി വീടുകളില്‍ എത്തുമെന്നും മുഖ്യമന്ത്രി പിണറായി വിജയൻ വാർത്താസമ്മേളനത്തില്‍ പറഞ്ഞു.
ജനാധിപത്യത്തിന്റെ ഒരു പുതിയ മാതൃക ലോകത്ത് മുന്നില്‍ അവതരിപ്പിക്കാനുള്ള തയ്യാറെടുപ്പാണ് നടന്നുകൊണ്ടിരിക്കുന്നതെന്നും നാടിന്റെ വികസനമെന്നത് ജനങ്ങളുടെ ആവശ്യവും അനിവാര്യതയും പ്രതിസന്ധിയും സ്വപ്നങ്ങളും ആഴത്തില്‍ മനസിലാക്കി സമൂഹത്തിലെ ഓരോരുത്തരുടെയും പങ്കാളിത്തം ഉറപ്പുവരുത്തേണ്ട പ്രവർത്തനമാണ് എന്നും അദ്ദേഹം കൂട്ടിച്ചേർത്തു.
ജനങ്ങളുമായി നിരന്തരം സംവദിച്ചാണ് സർക്കാർ മുന്നോട്ട് പോകുന്നതെന്നും ഇനിയും ക്രിയാത്മക ഇടപെടല്‍ ഉണ്ടാകുമെന്നും സമഗ്രമായ പഠന പരിപാടിക്ക് സർക്കാർ ഒരുങ്ങുകയാണെന്നും ജനങ്ങളുടെ അഭിപ്രായങ്ങളും നിർദ്ദേശങ്ങളും സൂക്ഷ്മമായി കേള്‍ക്കുമെന്നും വിശദമായ റിപ്പോർട്ടും മാർഗ്ഗ രേഖയും തയ്യാറാക്കുമെന്നും മുഖ്യമന്ത്രി പറഞ്ഞു.
Whatsapp Group 1 | Whatsapp Group 2 |Telegram Group
ജനങ്ങളില്‍ നിന്ന് വിവരങ്ങള്‍ ശേഖരിക്കുന്നതിന്റെ ഭാഗമായി ജനുവരി ഫെബ്രുവരി മാസങ്ങളില്‍ സന്നദ്ധപ്രവർത്തകർ വീടുതോറുമെത്തി വിവരശേഖരണം നടത്തുമെന്ന് മുഖ്യമന്ത്രി പറഞ്ഞു. വിവരങ്ങള്‍ ക്രോഡീകരിച്ചുള്ള റിപ്പോർട്ട് ശുപാർശ സഹിതം സമർപ്പിക്കുമെന്നും മുഖ്യമന്ത്രി പറഞ്ഞു.
