തിരുവനന്തപുരം: കുടുംബശ്രീക്ക് കീഴില്‍ ഇപ്പോള്‍ വന്നിട്ടുള്ള അക്കൗണ്ടന്റ് തസ്തികയിലേക്ക് ഒക്ടോബർ 10ന് മുൻപായി അപേക്ഷിക്കണം.
ഇടുക്കി ജില്ലയിലെ തദ്ദേശ സ്വയംഭരണ സ്ഥാപനതലങ്ങളിലുള്ള കുടുംബശ്രീ സി.ഡി.എസുകളില്‍ (നിലവില്‍ ഒഴിവുള്ള സി.ഡി.എസ്-കളിലേക്കും റാങ്ക് ലിസ്റ്റിന്റെ കാലാവധിക്കുള്ളില്‍ റിപ്പോർട്ട് ചെയ്യുന്ന ഒഴിവുകളിലേക്കും) അക്കൗണ്ടന്റിനെ നിയമിക്കുന്നത്. നാല് ഒഴിവുകളാണുള്ളത് (സിഡിഎസുകള്‍ :-വാത്തിക്കുടി,വണ്ണപ്പുറം,കട്ടപ്പന, ഇടമലക്കുടി).
യോഗ്യത
Whatsapp Group 1 | Whatsapp Group 2 |Telegram Group
20 നും 36 നും മദ്ധ്യേ (2025 സെപ്റ്റംബർ 1 ന്) പ്രായമുള്ളവർ ആയിരിക്കണം. പട്ടിക ജാതി പട്ടികവർഗ വിഭാഗക്കാർക്ക് 5 വർഷവും മറ്റ് പിന്നോക്ക സമുദായങ്ങള്‍ക്ക് 3 വർഷവും ഭിന്നശേഷിക്കാർക്ക് 10 വർഷം വരെയും വിധവകള്‍ക്ക് 5 വർഷവും പ്രായത്തില്‍ ഇളവ് ഉണ്ടായിരിക്കുന്നതാണ്.
അംഗീകൃത സർവ്വകലാശാലകളില്‍ നിന്നുള്ള ബി.കോം ബിരുദവും, ടാലി യോഗ്യതയും കംപ്യൂട്ടർ പരിജ്ഞാനവും (എം.എസ്.ഓഫീസ്, ഇന്റർനെറ്റ് ആപ്ലിക്കേഷൻസ്) ഉണ്ടായിരിക്കണം.
അക്കൗണ്ടിംഗില്‍ രണ്ടു വർഷത്തെ പ്രവൃത്തി പരിചയവും വേണം. (സർക്കാർ/ അർദ്ധസർക്കാർ/ സർക്കാർ ഉടമസ്ഥതയിലുളള കമ്പനികള്‍/സഹകരണ സംഘങ്ങള്‍/സഹകരണ ബാങ്ക് എന്നിവിടങ്ങളില്‍ അക്കൗണ്ടിംഗില്‍ പ്രവൃത്തിപരിചയം ഉള്ളവർക്ക് മുൻഗണന).
കുടുംബശ്രീ അയല്‍ക്കൂട്ടത്തിലെ അംഗമോ/ഓക്സിലറി ഗ്രൂപ്പ് അംഗമോ ആയിരിക്കണം. ആശ്രയ കുടുംബാംഗം/ ഭിന്നശേഷി വിഭാഗം എന്നിവർക്ക് മുൻഗണന നല്‍കും.
അപേക്ഷക, അപേക്ഷ സമർപ്പിക്കുന്ന ജില്ലയില്‍ താമസിക്കുന്ന വ്യക്തിയായിരിക്കണം. എന്നാല്‍ നിലവില്‍ മറ്റ് ജില്ലകളില്‍ സിഡി എസ് അക്കൗണ്ടന്റായി സേവനമനുഷ്ഠിക്കുന്നവർക്ക് ഈ നിബന്ധന ബാധകമല്ല. ഇവർ വ്യക്തി ബന്ധപ്പെട്ട ജില്ലാ മിഷൻ കോ-ഓർഡിനേറ്ററില്‍ നിന്നും ശുപാർശ കത്ത് സമർപ്പിക്കണം.
അപേക്ഷിക്കേണ്ട വിധം
അപേക്ഷകള്‍ കുടുംബശ്രീ ജില്ലാ മിഷൻ ഓഫീസില്‍ നിന്ന് നേരിട്ടോ www.kudumbashree.org എന്ന വെബ് സൈറ്റില്‍ നിന്നോ ലഭിക്കുന്ന അപേക്ഷ ഫോറം പൂരിപ്പിച്ച്‌ നിർദ്ദിഷ്ട സ്ഥലത്ത് ബന്ധപ്പെട്ട അയല്‍ക്കൂട്ടത്തിന്റെ സെക്രട്ടറി/പ്രസിഡന്റ് സാക്ഷ്യപ്പെടുത്തിയ ശേഷം, എ.ഡി.എസ്. ചെയർപേഴ്സന്റെ/സെക്രട്ടറിയുടെ സാക്ഷ്യപ്പെടുത്തല്‍ വാങ്ങി സി.ഡി.എസ്. ചെയർപേഴ്സന്റെ/സെക്രട്ടറിയുടെ മേലൊപ്പോടുകൂടി ചുവടെ നല്‍കിയ വിലാസത്തില്‍ നേരിട്ടോ തപാല്‍ മുഖേനയോ എത്തിക്കണം.
വിലാസം: ജില്ലാ മിഷൻ കോ-ഓർഡിനേറ്റർ, കുടുംബശ്രീ, സിവില്‍ സ്റ്റേഷൻ, പൈനാവ് പി.ഒ., കുയിലിമല, ഇടുക്കി,പിൻ-685603
അപേക്ഷ സമർപ്പിക്കേണ്ട അവസാന തീയതി : ഒക്ടോബർ 10ന് വൈകുന്നേരം 5 മണി വരെ. അപേക്ഷ സമർപ്പിക്കുന്ന കവറിനു മുകളില്‍ ‘ കുടുംബശ്രീ സി.ഡി.എസ് അക്കൗണ്ടന്റ് അപേക്ഷ ‘എന്ന് രേഖപ്പെടുത്തിയിരിക്കണം.
കൂടുതല്‍ വിവരങ്ങള്‍ക്ക് : www.kudumbashree.org
