ഏഷ്യ കപ്പില് ഇന്ത്യ- പാക്കിസ്ഥാന് ഫൈനല്. ബംഗ്ലദേശിനെ 11 റണ്സിന് തോല്പിച്ചാണ് പാക്കിസ്ഥാന് ഫൈനലിലെത്തിയത്. 136 റണ്സ് വിജയലക്ഷ്യം പിന്തുടര്ന്ന ബംഗ്ലദേശിന് 124 റണ്സ് മാത്രമാണ് നേടാനായത്. 17 എഡിഷനിടെ ആദ്യമായാണ് ഇന്ത്യയും പാക്കിസ്ഥാനും ഏഷ്യ കപ്പ് ഫൈനലില് നേര്ക്കുനേരെത്തുന്നത്.
പേസ് ബോളര്മാരുടെ മികവിലാണ് ഇക്കുറി പാക്കിസ്ഥാന്റെ വിജയം. ആദ്യം ബാറ്റുചെയ്ത പാക്കിസ്ഥാന് നേടാനായത് 135 റണ്സ് മാത്രം. ടസ്കിന് അഹമ്മദ് വില്ലനായപ്പോള് പാക്കിസ്ഥാന് പവര്പ്ലേയില് നേടാനായത് വെറും 27 റണ്സ് രണ്ടുവിക്കറ്റും നഷ്ടം. ഏഷ്യകപ്പിന്റെ ഈ സീസണില് ഇത് മൂന്നാം തവണയാണ് ഇന്ത്യ–പാക് പോരാട്ടം.
23 പന്തില് 31 റണ്സെടുത്ത മുഹമ്മദ് ഹാരിസാണ് പാക്ക് ടോപ് സ്കോറര്. 70 റണ്സെടുക്കുന്നതിനിടെ ആറുവിക്കറ്റ് നഷ്ടമായ പാക്കിസ്ഥാനെ വാലറ്റത്തിന്റെ പോരാട്ടമാണ് 138 റണ്സിലെത്തിച്ചത്.
Whatsapp Group 1 | Whatsapp Group 2 |Telegram Group
മറുപടി ബാറ്റിങ്ങില് ഹാരിസ് റൗഫും ഷഹീന് അഫ്രീദിയും ചേര്ന്ന് ബംഗ്ലദേശിനെ തകര്ത്തു.50 റണ്സ് കടക്കും മുമ്പ് നാലുവിക്കറ്റ് നഷ്ടം. ഒന്പത് വിക്കറ്റ് നഷ്ടത്തില് 124 റണ്സില് ബംഗ്ലദേശ് ഇന്നിങ്സിന് അവസാനമായി. ഞായറാഴ്ചയാണ് ഇന്ത്യ – പാക്കിസ്ഥാന് കിരീടപ്പോരാട്ടം.
