വെച്ചൂരിലെ സ്വകാര്യ ഫിനാൻസ് സ്ഥാപനത്തിൽ മുക്കുപണ്ടം പണയം വച്ച് രണ്ടരലക്ഷത്തിന്റെ തട്ടിപ്പ്; പ്രതിയെ അറസ്റ്റ് ചെയ്ത് വൈക്കം പോലീസ്

കോട്ടയം: മുക്കുപണ്ടം പണയം വച്ച് പണം തട്ടിയ പ്രതി വൈക്കം പോലീസിന്റെ പിടിയിലായി.വെച്ചൂർ സനുലാൽ എസ്‌ (35) ആണ് വൈക്കം പോലീസിന്റെ പിടിയിലായത്.

Link

Embed

Copy and paste this HTML code into your webpage to embed.

ഇക്കഴിഞ്ഞ ഫെബ്രുവരിയിലാണ് അംബികാമാർക്കറ്റ് ഭാഗത്ത് പ്രവർത്തിക്കുന്ന ശ്രീരാഗ് ജനറൽ ഫിനാൻസ് ലിമിറ്റഡ് എന്ന സ്ഥാപനത്തിൽ ഇയാൾ തട്ടിപ്പ് നടത്തിയത്. 8.01 ഗ്രാമിന്റെ ഒരു വളയും 39.45 ഗ്രാം തൂക്കം വരുന്ന വളയുമാണ് പണയം വച്ചത്.

പണയം തിരികെ എടുക്കാത്തതിൽ സംശയം തോന്നിയതിനെത്തുടർന്ന് സ്ഥാപനത്തിൽ നിന്നും വൈക്കം പോലീസിൽ പരാതിപ്പെടുകയായിരുന്നു.

പരാതിയിൽ കേസെടുത്ത് അന്വേഷണം നടത്തിയ പോലീസ് വെച്ചൂർ ഭാഗത്ത് വച്ച് കണ്ടെത്തിയ പ്രതി സനു ലാലിനെ അറസ്റ്റ് ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.