ആശ്രയ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ 67 – മത് ഡയാലിസിസ് കിറ്റ് വിതരണവും ചികിത്സാ ധനസഹായവും നൽകി

ഗാന്ധിനഗർ: ആശ്രയ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ എല്ലാ മാസവും നടത്തിവരുന്ന ഡയാലിസിസ് കിറ്റ് വിതരണവും, ധനസഹായവും 151 വൃക്കരോഗികൾക്ക് നൽകി. ആശ്രയയുടെ സെക്രട്ടറി ഫാ ജോൺ ഐപ്പിൻ്റെ അദ്ധ്യക്ഷത വഹിച്ച യോഗത്തിൽ സി.പി വേണു (എൽഐസി ബ്രാഞ്ച് മാനേജർ സിഎൽഐഎ
കോട്ടയം) ഡയാലിസിസ് കിറ്റ് വിതരണ ഉദ്ഘാടനം ചെയ്തു.

ഡോ. സിറിൽ ജേക്കബ് കുര്യൻ (ഡെപ്യൂട്ടി സൂപ്രണ്ട്, കാഷ്വാലിറ്റി, എംസിഎച്ച് ), റവ ഫാ എം ഐ തോമസ് മറ്റത്തിൽ, വി ജെ ജോസഫ് സിസ്റ്റർ ശ്ലോമ്മോ,എം സി ചെറിയാൻ എന്നിവർ ആശംസകൾ അർപ്പിച്ചു.

കിറ്റ് കൊടുക്കുന്നതിൽ 67 മാസം പൂർത്തീകരിച്ച ഈ വേളയിൽ ഡയാലിസിസ് കിറ്റ് നൽകുന്നതിന് ആത്മാർത്ഥമായി സഹായിക്കുന്ന എല്ലാവരെയും സ്നേഹപൂർവ്വം ഓർക്കുന്നു. തുടർന്നും നിങ്ങൾ ഓരോരുത്തരുടെയും സഹായ സഹകരണം ഉണ്ടാകണമെന്ന് സെക്രട്ടറി അറിയിച്ചു.