കൈ പൊക്കരുത് കറന്റടിക്കും: കുമരകത്ത് വൻ അപകടത്തിന് സാധ്യത: ചേലയ്ക്കാപ്പള്ളി മോട്ടോർ തറയിലേക്കുള്ള ത്രിഫെയ്സ് ലൈൻ അപകടാവസ്ഥയിൽ താഴ്ന്നു കിടക്കുന്നു

കുമരകം: ഒരാൾ കൈ അറിയാതെ ഒന്നുയർത്തിയാൽ വൈദ്യുതാഘാതമേൽക്കാൻ പാകത്തിൽ താഴ്ന്ന് കിടക്കുകയാണ് ചേലയ്ക്കാപ്പള്ളി മോട്ടോർ തറയിലേക്കുള്ള ത്രിഫെയ്സ് വൈദ്യുതി ലൈൻ.

കുമരകം ശ്രികുമാരമംഗലം ക്ഷേത്രത്തിന്റെ ആറാട്ടുകളത്തിന്റെ പടിഞ്ഞാറു വശത്താണ് അപകടാവസ്ഥയിലുള്ള വൈദ്യുതി ലൈൻ കിടക്കുന്നത്.

കാട്ടുത്ര – വാഴയിൽ റോഡിലെ പോസ്റ്റിൽ നിന്നും സമീപത്തെ തോട് ക്രോസ് ചെയ്താണ് ചേലയ്ക്കാപ്പള്ളി പാടത്തിന്റെ പുറംബണ്ടിൽ സ്ഥിതി ചെയ്യുന്ന പോസ്റ്റിലേക്ക് ലൈൻ വലിച്ചിരിക്കുന്നത്.

ഈ പോസ്റ്റ് ചെരിഞ്ഞതാണ് ലൈൻ ഇത്രയും താഴ്ന്നു കിടക്കാൻ കാരണം. അപകടത്തിന് കാത്തുനില്ക്കാതെ വകുപ്പ് അധികൃതർ ലൈൻ ഉയർത്തി സുരക്ഷിതമാക്കണമെന്നാണ് കർഷകരുടേയും സമീപവാസികളുടേയും ആവശ്യം.