തിരുവനന്തപുരം: സിനിമാ കോണ്ക്ലേവില് സംവിധായകന് അടൂര് ഗോപാലകൃഷ്ണന് നടത്തിയ വിവാദ പരാമര്ശത്തില് മറുപടിയുമായി മന്ത്രി സജി ചെറിയാന്.
പുതുമുഖങ്ങള്ക്ക് ഒന്നരക്കോടി നല്കുന്നത് നഷ്ടമായി സര്ക്കാര് കാണുന്നില്ല. കൂടുതല് സിനിമകള്ക്ക് കൂടുതല് പണം നല്കണമെന്നും അതൊരു തെറ്റായി താന് കാണുന്നില്ലെന്നും സജി ചെറിയാന് പറഞ്ഞു.
സിനിമ നിര്മിക്കുന്നതിന് സ്ത്രീകള്ക്കും ദലിത് വിഭാഗങ്ങള്ക്കും സര്ക്കാര് നല്കി വരുന്ന ഫണ്ടിനെതിരായ അടൂരിന്റെ പ്രസ്താവനയ്ക്കായിരുന്നു മന്ത്രിയുടെ മറുപടി.
പട്ടിക ജാതി, പട്ടിക വര്ഗങ്ങള്ക്ക് 98 വര്ഷമായിട്ടും സിനിമയില് മുഖ്യധാരയില് എത്താന് കഴിഞ്ഞിട്ടില്ലെന്നും അവര്ക്ക് സഹായം നല്കും.
Whatsapp Group 1 | Whatsapp Group 2 |Telegram Group
കൂടുതല് പണം നല്കുമ്പോള് ലാഭം ഉണ്ടാകും, കേരളത്തിലെ തലയെടുപ്പ് ഉള്ള സംവിധായകര് അവരുടെ സിനിമ സ്ക്രീനിങ് ചെയ്യും. സ്ത്രീകള്ക്കും അതേ പരിഗണന നല്കും. ഒന്നര കോടി എടുത്തവര് തന്നെ വെള്ളം കുടിച്ച് നില്ക്കുകയാണ്. ഈ സാഹചര്യത്തിലാണ് തുക മൂന്നായി വീതിക്കാന് പറയുന്നതെന്നും മന്ത്രി പറഞ്ഞു.
