കോട്ടയം : വിരിപ്പുകാലാ ശ്രീനാരായണ ബോട്ട്ക്ലബ്ബിൻ്റെ ആഭിമുഖ്യത്തിൽ ടൂറിസം വകുപ്പിന്റെയും കോട്ടയം ജില്ലാ പഞ്ചായത്തിന്റെയും, ഏറ്റുമാനൂർ ബ്ലോക്ക് പഞ്ചായത്തിൻ്റെയും, കുമരകം അയ്മനം ഗ്രാമപഞ്ചായത്തുകളുടെയും സഹകരണത്തോടെ നടക്കുന്ന 37 -ാമത് ജലമേളയുടെ പ്രവർത്തനോദ്ഘാടനം
രാജേഷ് ബാബുവിൽ (ഗാർഗി ഹോംസ്റ്റേ) നിന്നും ആദ്യസംഭാവന കേരള സഹകരണ, ദേവസ്വം, തുറമുഖ വകുപ്പ് മന്ത്രി വി. എൻ വാസവൻ ഏറ്റുവാങ്ങി ഉദ്ഘാടനകർമ്മം നിർവ്വഹിച്ചു.
കവണാറ്റിൻകര ടൂറിസം ഡിപ്പാർട്ട്മെൻ്റ് ഹാളിൽ നടന്ന ചടങ്ങിൽ ക്ലബ്ബ് പ്രസിഡന്റ് എം.കെ. പൊന്നപ്പൻ അദ്ധ്യക്ഷത വഹിച്ചു.കുമരകം പഞ്ചായത്ത് പ്രസിഡന്റ് ധന്യാ സാബു ,അയ്മനം പഞ്ചായത്ത് പ്രസിഡന്റ് വിജി രാജേഷ്, കുമരകം പഞ്ചായത്ത് വൈസ്: പ്രസിഡന്റ് ആർഷ ബൈജു , ബ്ലോക്ക് പഞ്ചായത്ത് അംഗങ്ങളായ കവിത ലാലു , രതീഷ് കെ. വാസു , ഗ്രാമ പഞ്ചായത്ത് അംഗങ്ങളായ വി.കെ ജോഷി,സ്മിതാ സുനിൽ തുടങ്ങിയവർ ആശംസകൾ നേർന്നു.
ക്ലബ്ബ് ഭാരവാഹികളായ മോഹൻദാസ് അറ്റുചിറയിൽ, പി.ബി.അശോകൻ , അശോകൻ കരീമഠം എന്നിവർ യോഗത്തിൽ സംസാരിച്ചു. ക്ലബ്ബ് അംഗവും ജലഗതാഗത വകുപ്പ് സ്റ്റേഷൻ മാസ്റ്ററുമായ ഷാനവാസ് ഖാനെ മന്ത്രി പൊന്നാട അണിയിച്ച് ആദരിച്ചു . യോഗത്തിന് ക്ലബ്ബ് സെക്രട്ടറി ബാബു ഉഷസ്സ് സ്വാഗതവും ട്രഷറർ സാൻ്റപ്പൻ നന്ദിയും പറഞ്ഞു.2025 സെപ്റ്റംബർ 6ന് വൈകിട്ട് 3 മണിക്കാണ് പരിപാടി
Whatsapp Group 1 | Whatsapp Group 2 |Telegram Group
