മഴക്കാലത്ത് ശരീരത്തിന്റെ പ്രതിരോധശേഷി കുറവായിരിക്കും. അതുകൊണ്ട് തന്നെ പലതരത്തിലുള്ള അസുഖങ്ങളും പിടിമുറുക്കാൻ സാധ്യതയുണ്ട്. പനി, ജലദോഷം, തുമ്മല്‍, ശരീരവേദന അങ്ങനെ തുടങ്ങിയവ സീസണല്‍ അലർജിയുടെ സാധാരണ ലക്ഷണങ്ങളാണ്.
അവയില്‍ പലതിനും നമ്മുടെ അടുക്കളയില്‍ തന്നെ പരിഹാരമുണ്ട്. തണുപ്പ്, ഈർപ്പം, പൂമ്ബൊടി, ഫംഗസ്, ബാക്ടീരിയ, കീടങ്ങള്‍ തുടങ്ങിയവയാണ് അലർജി ഉണ്ടാക്കുന്ന പ്രധാന ഘടകങ്ങള്‍. ഏറ്റവും പരമപ്രധാനമായ കാര്യം ചുറ്റുപാടുകള്‍ വൃത്തിയായി സൂക്ഷിക്കുന്നതിനൊപ്പം വ്യക്തിശുചിത്വവും പാലിക്കുക എന്നതാണ്. സീസണല്‍ അലജിയെ പ്രതിരോധിക്കുന്നതിന് ചില വീട്ടിലെ പൊടിക്കൈകള്‍ നോക്കാം.
മഴക്കാല അലർജികള്‍ക്ക് വീട്ടിലെ ചില പൊടിക്കൈകള്‍
Whatsapp Group 1 | Whatsapp Group 2 |Telegram Group
തുളസി, മഞ്ഞള്‍, ഇഞ്ചി
തുളസി, മഞ്ഞള്‍, ഇഞ്ചി എന്നിവ മഴക്കാലത്ത് അടുക്കളയില്‍ പ്രത്യേകം സൂക്ഷിക്കാൻ മറക്കരുത്. തുളസി വെള്ളം തിളപ്പിച്ചത് കുടിക്കുന്നത് പ്രതിരോധശേഷി വർധിപ്പിക്കാനും ശ്വസന സംബന്ധമായ പ്രശ്നങ്ങള്‍ ഒഴിവാക്കാനും സഹായിക്കും. ആസ്ത്മയോ ശ്വാസകോശ സംബന്ധമായ പ്രശ്നങ്ങളോ ഉള്ളവർക്ക് ദിവസവും ഒരു കപ്പ് വെള്ളം കുടിക്കാം. മഞ്ഞള്‍ ചേർത്ത പാല്‍ സ്വാഭാവിക പ്രതിരോധശേഷി വർധിപ്പിക്കുന്ന ഒന്നാണ്. പതിവു ചായയില്‍ അല്‍പം ഇഞ്ചി ചേർക്കുന്നത് മഴക്കാലത്ത് പ്രതിരോധ ശേഷി വർധിപ്പിക്കാനും തൊണ്ടവേദന കുറയ്ക്കാനും സഹായിക്കും.
യൂക്കാലിപ്റ്റസ്
മൂക്കടപ്പ്, തുമ്മല്‍ പോലുള്ള പ്രശ്നങ്ങള്‍ക്ക് ആവി പിടിക്കുമ്ബോള്‍ അതിലേക്ക് അല്‍പം യൂക്കാലിപ്റ്റസ് ഓയില്‍ ചേർക്കുന്നത് മൂക്കും തൊണ്ടയും ഉള്‍പ്പെടെ മുഴുവൻ നാസികാദ്വാരം തുറക്കാനും ശ്വസനം എളുപ്പമാക്കാനും സഹായിക്കും. ഇത് തുമ്മലും പ്രകോപനവും കുറയ്ക്കാൻ സഹായിക്കുന്നു.
ഗ്രീൻ ടീ
ശരീരഭാരം കുറയ്ക്കാൻ മാത്രമല്ല, മഴക്കാലത്ത് സീസണല്‍ അലർജി കുറയ്ക്കാനും ഊർജ്ജസ്വലരാക്കാനും സഹായിക്കും. ചൂടുള്ള ഗ്രീൻ ടീ, കമോമൈല്‍ ടീ, ലമണ്‍ ടീ തുടങ്ങിയവ തൊണ്ടവേദനയിലെ സമ്മർദം ഒഴിവാക്കാൻ സഹായിക്കുന്നു. അലർജി പ്രതിപ്രവർത്തനങ്ങള്‍ മൂലമുണ്ടാകുന്ന അസ്വസ്ഥത ശമിപ്പിക്കുന്നു, മെറ്റബോളിസം മെച്ചപ്പെടുത്തുന്നു, കൂടാതെ നിങ്ങള്‍ക്ക് നല്ല ഉറക്കം ലഭിക്കുന്നുവെന്ന് ഉറപ്പാക്കുന്നു.
വിറ്റാമിനുകള്‍
വിറ്റാമിൻ സമ്ബുഷ്ടമായ ഭക്ഷണങ്ങള്‍ കഴിക്കുന്നത് വളരെ പ്രധാനമാണ്. ഓറഞ്ച്, നാരങ്ങ, നെല്ലിക്ക തുടങ്ങിയ സിട്രസ് പഴങ്ങള്‍; ചിയ വിത്തുകള്‍, ചണവിത്ത്, വാല്‍നട്ട് തുടങ്ങിയ ഒമേഗ -3 സമ്ബുഷ്ടമായ ചേരുവകള്‍ പ്രതിരോധശേഷി ശക്തിപ്പെടുത്തുന്നതിനും ശരീരത്തിലെ വീക്കം കുറയ്ക്കുന്നതിനും സഹായിക്കുന്നു.
