കാസർകോട് ഓടിക്കൊണ്ടിരുന്ന കാറിന് തീപിടിച്ചു ; യാത്രക്കാർ ഇറങ്ങി ഓടിയതിനാൽ ഒഴിവായത് വൻ ദുരന്തം ; പുതിയ എർട്ടിഗ കാറിനാണ് തീ പിടിച്ചത്; ഫയർഫോഴ്സ് എത്തി തീ അണച്ചു ; കാർ പൂർണമായും കത്തി നശിച്ചു

കാസര്‍കോട്: കാസർകോട് ബേവിഞ്ചയിൽ ഓടിക്കൊണ്ടിരുന്ന കാറിന് തീപിടിച്ച് കത്തി നശിച്ചു.

മുബൈയിൽ നിന്ന് കണ്ണപുരത്തേക്ക് വരികയായിരുന്നു കാര്‍. നവി മുബൈ സ്വദേശി ഇഖ്ബാലും കുടുംബവുമാണ് സഞ്ചരിച്ചിരുന്നത്.

യാത്രക്കാർ ഇറങ്ങി ഓടിയതിനാൽ രക്ഷപ്പെട്ടു. ഇന്ന് രാവിലെ 5.50ഓടെയാണ് സംഭവം. ഫയർഫോഴ്സ് എത്തിയാണ് തീയണച്ചത്.

പുതിയ എർട്ടിഗ കാർ ആണ് കത്തിയത്. 50 ദിവസം മാത്രമാണ് കാറിന് പഴക്കം.