സ്ത്രീക‌ൾക്ക് സ്കൂ​ട്ട​ർ പാ​തി​വി​ല​ക്ക് ന​ൽ​കു​ന്ന ത​ട്ടി​പ്പ് സംഘം ആദ്യം പുറത്തെടുത്തത് കിറ്റ് വിതരണം; 3000 രൂ​പ​യു​ടെ പ​ല​ച​ര​ക്ക് കി​റ്റ് പാ​തി​വി​ല​ക്ക് ന​ൽ​കി​ തട്ടിപ്പിന് തുടക്കം കുറിച്ചു; വിശ്വാസ്യത പിടിച്ചുപറ്റിയതോടെ പാ​തി​വി​ല സ്കൂട്ടർ തട്ടിപ്പും; സ്ത്രീ​ക​ൾ ജോ​ലി​ചെ​യ്യു​ന്ന ഇ​ട​ങ്ങ​ളി​ൽ ജ​ന​പ്ര​തി​നി​ധി​ക​ളെ കൂടെ കൂട്ടി വാ​ഗ്ദാനങ്ങൾ നൽകി വലയിൽ വീഴ്ത്തി; വാട്സാപ്പ് ​ഗ്രൂപ്പിൽ അം​ഗമാകാൻ 350 രൂപ ഫീസ്; പിന്നീട് ഓഫറുകളുടെ പെരുമഴ; നടന്നത് അടിമുടി തട്ടിപ്പ്

ക​ണ്ണൂ​ർ: 3000 രൂ​പ​യു​ടെ പ​ല​ച​ര​ക്ക് കി​റ്റ് പാ​തി​വി​ല​ക്ക് ന​ൽ​കി​യാ​ണ് ത​ട്ടി​പ്പ് സം​ഘ​ത്തി​ന്റെ തു​ട​ക്കം. സ്കൂ​ൾ ബാ​ഗു​ക​ളും വാ​ട്ട​ർ പ്യൂ​രി​ഫ​യ​റും ത​യ്യ​ൽ മെ​ഷീ​നും വാ​ട്ട​ർ ടാ​ങ്കു​മെ​ല്ലാം ഇ​ങ്ങ​നെ വി​ല​കു​റ​ച്ച് ന​ൽ​കി ​ശ്ര​ദ്ധ​പി​ടി​ച്ചു​പ​റ്റി. ഒ​ടു​വി​ൽ 1,20,000 രൂ​പ​യു​ടെ സ്കൂ​ട്ട​ർ പാ​തി​വി​ല​ക്ക് ന​ൽ​കു​ന്ന ത​ട്ടി​പ്പ് പു​റ​ത്തെ​ടു​ത്തു.

നൂ​റു​ക​ണ​ക്കി​ന് പേ​ർ ഓ​ഫ​റി​ൽ വി​ശ്വ​സി​ച്ചു. പ​ല​രും സ്കൂ​ട്ട​റി​ന്റെ പാ​തി​വി​ല​യാ​യ 60,000 രൂ​പ ഉ​ട​ൻ അ​ട​ച്ചു. പാ​തി​വി​ല​ക്ക് സ്കൂ​ട്ട​ർ ന​ൽ​കു​ന്ന​തി​ന് 200 രൂ​പ​യു​ടെ മു​ദ്ര​പ​ത്ര​ത്തി​ൽ ക​രാ​റു​മു​ണ്ടാ​ക്കി. എ​ല്ലാ​റ്റി​നും സ​ർ​ക്കാ​ർ സം​വി​ധാ​ന​ത്തി​ന്റെ സ്വ​ഭാ​വം. പ​ണ​മ​ട​ച്ച​വ​രെ​യും അ​ല്ലാ​ത്ത​വ​രെ​യും ക​ണ്ണൂ​രി​ലെ വ​ലി​യൊ​രു ഹാ​ളി​ലേ​ക്ക് ഇ​വ​ർ വി​ളി​പ്പി​ച്ചു.

വി​വി​ധ ക​മ്പ​നി​ക​ളു​ടെ സ്കൂ​ട്ട​ർ നി​ര​ത്തി​വെ​ച്ച​ത് ക​ണ്ട​പ്പോ​ൾ ആ​ർ​ക്കും ഒ​രു സം​ശ​യ​വും തോ​ന്നി​യി​ല്ല. 100 ദി​വ​സ​ത്തി​ന​കം സ്കൂ​ട്ട​ർ ന​ൽ​കു​മെ​ന്ന വാ​ഗ്ദാ​നം ലം​ഘി​ക്ക​പ്പെ​ട്ട​പ്പോ​ഴാ​ണ് കേ​ര​ളം ക​ണ്ട ഏ​റ്റ​വും വ​ലി​യൊ​രു ത​ട്ടി​പ്പാ​ണി​തെ​ന്ന് പ​ണം ന​ൽ​കി​യ​വ​ർ അ​റി​യു​ന്ന​ത്. സ്ത്രീ​ക​ൾ കൂ​ടു​ത​ൽ ജോ​ലി​ചെ​യ്യു​ന്ന ഇ​ട​ങ്ങ​ളി​ൽ ജ​ന​പ്ര​തി​നി​ധി​ക​ളു​ടെ​കൂ​ടി ഒ​ത്താ​ശ​യോ​ടെ​യാ​ണ് ത​ട്ടി​പ്പ് സം​ഘം സ​ഞ്ച​രി​ച്ച​ത്.

ഇ​വ​രു​ടെ വാ​ട്സ്ആ​പ് ഗ്രൂ​പ്പി​ൽ അം​ഗ​മാ​വു​ക​യാ​ണ് ആ​ദ്യ ക​ട​മ്പ. അ​തി​ന് അം​ഗ​ത്വ ഫീ​സാ​യി 350 രൂ​പ ഈ​ടാ​ക്കി. ഓ​ഫ​റു​ക​ളു​ടെ പെ​രു​മ​ഴ​യാ​ണ് വാ​ട്സ്ആ​പ് ഗ്രൂ​പ്പ് മു​ഴു​വ​ൻ. സ്കൂ​ട്ട​റി​ന് 60,000 രൂ​പ ന​ൽ​കി​യ​തി​ന്റെ മു​ദ്ര​പ​ത്രം നോ​ട്ട​റി സാ​ക്ഷ്യ​പ്പെ​ടു​ത്ത​ണ​മെ​ന്ന വ​ക​യി​ൽ 500 രൂ​പ വേ​റെ​യും ഈ​ടാ​ക്കി.

മെം​ബ​ർ​മാ​രു​ടെ യോ​ഗ​ത്തി​ൽ പ​​ങ്കെ​ടു​ക്കാ​ൻ ത​ട്ടി​പ്പ് കേ​സി​ലെ പ്ര​ധാ​നി​യാ​യ അ​ന​ന്തു കൃ​ഷ്ണ​നും ക​ണ്ണൂ​രി​ൽ പ​ല​ത​വ​ണ വ​ന്നു. ജി​ല്ല​യി​ലെ ചി​ല എം.​എ​ൽ.​എ​മാ​രും ജ​ന​പ്ര​തി​നി​ധി​ക​ളും യോ​ഗ​ത്തി​ൽ പ​​ങ്കെ​ടു​ത്തു. സ്വ​ർ​ണം പ​ണ​യം​വെ​ച്ചാ​ണ് അ​ഴീ​ക്കോ​ട് സ്വ​ദേ​ശി​നി​യാ​യ സി​ന്ധു പ​ണം ന​ൽ​കി​യ​ത്.

പ​ണ​യം​വെ​ച്ച തു​ക മ​തി​യാ​വാ​ത്ത​തി​നാ​ൽ കു​ട്ടി​ക​ളു​ടെ ആ​ഭ​ര​ണം വി​റ്റ ക​ഥ​യാ​ണ് വ​ള​പ​ട്ട​ണം സ്വ​ദേ​ശി​നി പ​ങ്കു​വെ​ച്ച​ത്. 100 ദി​വ​സം ക​ഴി​ഞ്ഞി​ട്ടും സ്കൂ​ട്ട​ർ കി​ട്ടാ​തെ വ​ന്ന​പ്പോ​ൾ പ്ര​തി​ക​രി​ച്ച​വ​രെ ഗ്രൂ​പ്പി​ൽ​നി​ന്ന് ഒ​ഴി​വാ​ക്കി. കേ​സ് ന​ൽ​കി​യാ​ൽ പ​ണം കി​ട്ടി​ല്ലെ​ന്ന് പ​റ​ഞ്ഞു​ള്ള ഭീ​ഷ​ണി വേ​റെ. ക​ണ്ണൂ​രി​ൽ​നി​ന്ന് 10 കോ​ടി​യി​ലേ​റെ തു​ക പി​രി​ച്ചെ​ന്നാ​ണ് നി​ഗ​മ​നം. കൂ​ടു​ത​ൽ പ​രാ​തി​ക്കാ​ർ അ​ടു​ത്ത ദി​വ​സ​ങ്ങ​ളി​ൽ വ​രു​മ്പോ​ൾ സം​ഖ്യ കൂ​ടു​മെ​ന്നാ​ണ് പൊ​ലീ​സ് ക​ണ​ക്കു​കൂ​ട്ട​ൽ.