തൃശ്ശൂരിൽ എച്ച് വൺ എൻ വൺ ബാധിച്ച് യുവതി മരിച്ചു ; ആശുപത്രിയിൽ ചികിത്സയിലിരിക്കെയാണ് മരണം

തൃശ്ശൂർ : എറവിൽ എച്ച് വൺ എൻ വൺ ബാധിച്ച് യുവതി മരിച്ചു. എറവ് ആറാം കല്ല് സ്വദേശിനി മീനയാണ് മരിച്ചത്.

രണ്ടാം തീയതിയാണ് പനി കൂടുതലായതിനെ തുടർന്ന് മീനയെ സ്വകാര്യ ആശുപത്രിയില്‍ അഡ്മിറ്റ് ചെയ്യുന്നത്. തുടർന്ന് തീവ്രപരിചരണത്തിലായിരുന്നു. അവിടെ നടത്തിയ പരിശോധനയിലാണ് എച്ച്‌1 എൻ1 പനി ആണെന്ന് സ്ഥിരീകരിച്ചത്.

ആരോഗ്യവകുപ്പ് ഉദ്യോഗസ്ഥർ മീനയുടെ വീട്ടിലെത്തി പരിശോധന നടത്തിവരുകയാണ്. ആശങ്കപ്പെടേണ്ട സാഹചര്യമില്ലെന്നാണ് ആരോഗ്യവകുപ്പ് അധികൃതർ അറിയിക്കുന്നത്.