ഹേമ കമ്മറ്റി റിപ്പോര്‍ട്ട്: നടി ര‍ഞ്ജിനിയുടെ ഹര്‍ജി ഹൈക്കോടതി തള്ളി: ഹർജി ഇന്ന് തന്നെ സിംഗിൾ ബഞ്ച് പരിഗണിക്കും: ഉച്ചയ്ക്ക് രണ്ടരയ്ക്കകം റിപ്പോർട്ട് പുറത്തുവിടുമെന്ന് സാംസ്കാരിക വകുപ്പ്

കൊച്ചി: ഹേമ കമ്മിറ്റി റിപ്പോർട്ട് പുറത്തുവിടുന്നതിനെതിരെ നടി രഞ്ജിനി നൽകിയ ഹർജി ഹൈക്കോടതി തള്ളി. സിംഗിൽ ബെഞ്ചിനെ സമീപിക്കാമെന്ന് ഹൈക്കോടതി നടിയോട് പറഞ്ഞു.

കമ്മിറ്റിക്ക് മുന്നിൽ താനും മൊഴി നൽകിയതാണെന്നും ഇക്കാര്യങ്ങളടക്കം പുറത്തുവന്നാലുളള പ്രത്യാഘാതങ്ങളിൽ ആശങ്കയുണ്ടെന്നും അതുകൊണ്ടുതന്നെ റിപ്പോർട്ട് പരിശോധിച്ചശേഷമേ പുറത്തുവിടാവൂ എന്നുമായിരുന്നു നടിയുടെ ആവശ്യം.

ഇന്ന് തന്നെ ഹൈക്കോടതി സിംഗിൾ ബെഞ്ചിന് ഹർജി നൽകുമെന്ന് നടി രഞ്ജിനി പറഞ്ഞു.

ഹേമ കമ്മിറ്റി റിപ്പോർട്ട് ഇന്ന് രണ്ടരക്കകം പുറത്തുവിടുമെന്ന് അപേക്ഷകരെ അറിയിച്ച് സാംസ്കാരിക വകുപ്പ് അറിയിച്ചു.

ഹർജി ഇന്ന് തന്നെ പരിഗണിക്കാൻ നിർദ്ദേശം

നടി രഞ്ജിനിയുടെ ഹർജി ഇന്ന് മൂന്നുമണിക്ക് സിംഗിൾ ബെഞ്ച് പരിഗണിക്കാൻ ഡിവിഷൻ ബെഞ്ച് നിർദ്ദേശം നൽകി