കരളുറപ്പ് കൈവിടാതെ… വേ​ദ​നാ​ജ​ന​ക​മാണ് കാഴ്ചകൾ, ഒരു ദിവസം ചെയ്യുന്നത് 25,35 പോസ്റ്റുമോർട്ടങ്ങൾ, കൂടുതൽ മൃതദേഹങ്ങളും എത്തുന്നത് തലയും മറ്റു ശരീരഭാ​ഗങ്ങളും വേർപ്പെട്ട നിലയിൽ, വി​ശ്ര​മ​ത്തെ​ക്കു​റി​ച്ച് ചി​ന്ത​യി​ല്ലാ​തെ മൃ​ത​ശ​രീ​ര​ങ്ങ​ളെ പോസ്റ്റുമോർട്ടം ചെയ്യുന്നത് വിവിധ ജില്ലകളിൽ നിന്നെത്തിയ ഡോക്ടർമാർ

മേ​പ്പാ​ടി: മു​ണ്ട​​ക്കൈ ദു​ര​ന്ത​ത്തി​ൽ മ​ര​ണ​സം​ഖ്യ ഉ​യ​രു​മ്പോ​ൾ ക​ര​ളു​റ​പ്പ് കൈ​വി​ടാ​തെ ഡോ​ക്ട​ർ​മാ​ർ. രാ​വും പ​ക​ലും പോ​സ്റ്റ്മോ​ർ​ട്ടം ടേ​ബി​ളി​ൽ അ​വ​ർ ത​ങ്ങ​ളെ തേ​ടി​യെ​ത്തു​ന്ന മൃ​ത​ദേ​ഹ​ങ്ങ​ളെ കാ​ത്തി​രി​പ്പാ​ണ്.

ദു​ര​ന്ത​ത്തി​ൽ മ​ര​ണം 320 ക​ട​ക്കു​മ്പോ​ൾ വി​ശ്ര​മ​ത്തെ​ക്കു​റി​ച്ച് ചി​ന്ത​യി​ല്ലാ​തെ മൃ​ത​ശ​രീ​ര​ങ്ങ​ളെ അ​വ​ർ കീ​റി​മു​റി​ക്കു​ക​യാ​ണ്. മേ​പ്പാ​ടി ആ​ശു​പ​ത്രി വ​ള​പ്പി​ലെ ഐ​സൊ​ലേ​ഷ​ൻ വാ​ർ​ഡ് കെ​ട്ടി​ട​മാ​ണ് പോ​സ്റ്റ്മോ​ർ​ട്ടം ഹാ​ളാ​യി മാ​റി​യ​ത്. ഇ​വി​ടെ ര​ണ്ട് ഷി​ഫ്റ്റു​ക​ളി​ലാ​യി വി​വി​ധ ജി​ല്ല​ക​ളി​ൽ​നി​ന്നെ​ത്തി​യ നി​ര​വ​ധി ഡോ​ക്ട​ർ​മാ​രാ​ണു​ള്ള​ത്.

ഡോ. ​ദാ​ഹി​ർ മു​ഹ​മ്മ​ദാ​ണ് നോ​ഡ​ൽ ഓ​ഫി​സ​ർ. ജി​ല്ല പോ​ലീ​സ് സ​ർ​ജ​ൻ ഡോ. ​ബി​പി​ൻ, ക​ണ്ണൂ​ർ ജി​ല്ല പോ​ലീ​സ് സ​ർ​ജ​ൻ ഡോ. ​അ​ഗ​സ്റ്റ​സ്, ഫോ​റ​ൻ​സി​ക് സ​ർ​ജ​ൻ​മാ​രാ​യ ത​ല​ശ്ശേ​രി​യി​ലെ ഡോ. ​ജി​തി​ൻ, മാ​ന​ന്ത​വാ​ടി​യി​ലെ ഡോ. ​രോ​ഹി​ത്, സു​ൽ​ത്താ​ൻ ബ​ത്തേ​രി​യി​ലെ ഡോ. ​അ​ജി​ത്ത്, ഡോ. ​മൃ​ദു​ലാ​ൽ തു​ട​ങ്ങി​യ​വ​രാ​ണ് പോ​സ്റ്റ്മോ​ർ​ട്ടം സം​ഘ​ത്തി​ലു​ള്ള​ത്.

ചൂ​ര​ൽ​മ​ല​യി​ൽ​നി​ന്നും മു​ണ്ട​ക്കൈ​യി​ൽ​നി​ന്നും ക​ണ്ടെ​ടു​ക്കു​ന്ന മൃ​ത​ദേ​ഹ​ങ്ങ​ൾ ആ​ദ്യം മേ​പ്പാ​ടി സ​ർ​ക്കാ​ർ ആ​ശു​പ​ത്രി​യി​ലാ​ണ് എ​ത്തി​ക്കു​ന്ന​ത്. തു​ട​ർ​ന്ന് ബ​ന്ധു​ക്ക​ൾ തി​രി​ച്ച​റി​യു​ന്ന​ത​ട​ക്കം ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി​യാ​ണ് പോ​സ്റ്റ്മോ​ർ​ട്ട​ത്തി​ന് എ​ത്തു​ന്ന​ത്.

ആ​ദ്യ​ദി​വ​സം 90ഉം ​ര​ണ്ടാം ദി​വ​സം 35ഉം ​മൂ​ന്നാം​ദി​വ​സം 25ഉം ​പോ​സ്റ്റ്മോ​ർ​ട്ട​മാ​ണ് ഇ​വി​ടെ ന​ട​ന്ന​ത്. വെ​ള്ളി​യാ​ഴ്ച രാ​വി​ലെ 11ഓ​ടെ നാ​ല് മൃ​ത​ദേ​ഹ​ങ്ങ​ൾ പോ​സ്റ്റ്മോ​ർ​ട്ടം ചെ​യ്തു. ശ​രീ​ര​ഭാ​ഗ​ങ്ങ​ൾ വേ​ർ​പെ​ട്ട നി​ല​യി​ലു​ള്ള നി​ര​വ​ധി മൃ​ത​ദേ​ഹ​ങ്ങ​ളാ​ണ് എ​ത്തു​ന്ന​ത്. പ​ല കാ​ഴ്ച​ക​ളും വേ​ദ​നാ​ജ​ന​ക​മാ​ണെ​ന്ന് ഡോ​ക്ട​ർ​മാ​ർ പ​റ​യു​ന്നു.