കുമരകം സാവിത്രിക്കവലയിൽ ഇരുട്ട് : സർവത്ര ഇരുട്ട്: വഴിവിളക്കുണ്ടെങ്കിലും എല്ലാം കണ്ണടച്ചു.

കുമരകം: വഴിവിളക്കുകൾ ഇല്ലാതെ ഇരുട്ടിൽ മുങ്ങി ബസാർ സാവിത്രിക്കവല. കുമരകം അട്ടിപ്പീടിക കൊഞ്ചുമട റോഡിൽ പലയിടങ്ങളിലും വഴിവിളക്കുകൾ പ്രവർത്തനരഹിതമാണ്.

പ്രവർത്തിക്കുന്നവ മിന്നാമിനുങ്ങിന്റെ നുറുങ്ങുവെട്ടംപോലെയാണ് കത്തുന്നത്. സാവിത്രിക്കവലയിൽ മൂന്ന് ദിശകളിൽനിന്നും വാഹനങ്ങൾ വരുന്ന ജങ്ക്ഷനാണ് ഇരുട്ടിൽ മുങ്ങിയിരിക്കുന്നത്.

സമീപത്തെ ഓട്ടോ സ്റ്റാൻഡും ഇതോടെ ഇരുട്ടിലായി. വഴിവിളക്കുകൾ ഇല്ലാത്തത്
നാട്ടുകാരെ വലയ്ക്കുന്നു. ഇരുളിന്റെ മറവിൽ കളളൻമാർ പതുങ്ങിയിരിക്കാനും സാധ്യതയുണ്ട്.

രാത്രിയിൽ എത്തുന്നവരും ബുദ്ധിമുട്ടുന്നു. കാൽനടയാത്രികർക്കും പുലർച്ചെ പത്രം,പാൽ വിതരണത്തിന്

പോകുന്നവർക്കും നടപ്പുകാർക്കും ഏറെ ബുദ്ധിമുട്ട് അനുഭവിപ്പിക്കുന്നുണ്ട്. വഴിവിളക്കുകൾ പ്രവർത്തനരഹിതമാക്കി ഇരുട്ടിൽനിന്നും മോചനം ഉണ്ടാക്കണമെന്നാണ് നാട്ടുകാരുടെ ആവശ്യം.