മദ്രസ കഴിഞ്ഞ് പോവുകയായിരുന്ന 14-കാരിക്ക് നേരെ നഗ്നതാ പ്രദർശനം ; യുവാവ് അറസ്റ്റിൽ

ചെങ്കള : മദ്രസ കഴിഞ്ഞ് പോവുകയായിരുന്ന 14-കാരിക്ക് നേരരേ നഗ്നതാ പ്രദർശനം നടത്തിയ കേസില്‍ യുവാവ് അറസ്റ്റില്‍.

ചെങ്കള വി.കെ. പാറയിലെ അജിത്ത് കുമാറിനെ (35) ആണ് ആദൂർ എസ്.ഐ. അനുരൂപും സംഘവും അറസ്റ്റ് ചെയ്തത്. 15-ന് മുളിയാറിലായിരുന്നു സംഭവം.

നടന്നുപോകുകയായിരുന്ന വിദ്യാർഥിനിയുടെ അടുത്ത് സ്കൂട്ടർ നിർത്തി നഗ്നത പ്രദർശിപ്പിക്കുകയായിരുന്നു. വീട്ടുകാരോട് പെണ്‍കുട്ടി വിവരം പറഞ്ഞു. വീട്ടുകാർ നല്‍കിയ പരാതിയിലാണ് പോലീസ് പോക്സോ പ്രകാരം കേസെടുത്തത്.

നൂറോളം സി.സി.ടി.വി. പരിശോധിച്ചാണ് പ്രതിയെ തിരിച്ചറിയാൻ കഴിഞ്ഞത്.