കോഴിക്കോട്: ചെറുവണ്ണൂർ മധുര ബസാറിലെ 4 വയസുകാരിക്ക് കോഴിക്കോട് മെഡിക്കല് കോളജിൽ ചികിത്സാ പിഴവ്. കൈവിരലിന്റെ ശസ്ത്രക്രിയയ്ക്കെത്തിയ 4 വയസുകാരിക്ക് നാവില് ശസ്ത്രക്രിയ. മാതൃ ശിശു സംരക്ഷണ കേന്ദ്രത്തിലാണ് ഗുരുതരമായ ചികിത്സ പിഴവ് . സംഭവത്തില് അന്വേഷണം നടത്തുമെന്ന് ആശുപത്രി സൂപ്രണ്ട് അറിയിച്ചു.
ഇന്ന് രാവിലെ 9.30നാണ് മാതൃ ശിശു സംരക്ഷണ കേന്ദ്രത്തില് ഗുരുതര ചികിത്സ പിഴവ് സംഭവിച്ചത്. നാലു വയസുകാരിയുടെ കൈപ്പത്തിയിലെ ആറാം വിരല് നീക്കം ചെയ്യാനായാണ് ചെറുവണ്ണൂർ മധുര ബസാറിലെ കുടുംബം മാതൃശിശു സംരക്ഷണ കേന്ദ്രത്തില് എത്തിയത്. ആറാം വിരല് മുടിയില് തട്ടിയും മറ്റും മുറിയുന്ന സാഹചര്യത്തില് ആയിരുന്നു ഇത് നീക്കം ചെയ്യാൻ ഡോക്ടർമാർ നിർദ്ദേശിച്ചതും അതിനനുസരിച്ച് ഇവർ ഒപിയില് എത്തിയതും.
എന്നാല്, അരമണിക്കൂർ വേണ്ട ശസ്ത്രക്രിയയ്ക്ക് ശേഷം കുട്ടി പുറത്തെത്തുമ്പോള് നാവില് പഞ്ഞി വെച്ച നിലയില് ആയിരുന്നു. കയ്യിലെ തുണി മാറ്റി നോക്കിയപ്പോള് ആറാം വിരല് അതുപോലെയുണ്ടായിരുന്നു.
Whatsapp Group 1 | Whatsapp Group 2 |Telegram Group
ചികിത്സ പിഴവ് വ്യക്തമായതോടെ ഡോക്ടർ പുറത്തെത്തി കുടുംബത്തോട് മാപ്പ് പറഞ്ഞതായും ബന്ധുക്കള് പറഞ്ഞു. പിന്നീട് മറ്റൊരു ശസ്ത്രക്രിയയിലൂടെ ആറാം വിരല് നീക്കം ചെയ്യുകയായിരുന്നു.
ശസ്ത്രക്രിയ കഴിഞ്ഞ് പൂര്ത്തിയായി എന്ന് പറഞ്ഞ് നഴ്സ് വാര്ഡിലേക്ക് കുട്ടിയെ കൊണ്ടുവരുകയായിരുന്നു. വായില് പഞ്ഞി തിരുകിയത് കണ്ടപ്പോഴാണ് വീട്ടുകാര് കാര്യം അറിയുന്നത്
കയ്യിലെ തുണി മാറ്റി നോക്കിയപ്പോല് ആറാം വിരല് അതുപോലെയുണ്ടായിരുന്നു. ആറാം വിരല് നീക്കേണ്ട ശസ്ത്രക്രിയ ആണ് ചെയ്യേണ്ടതെന്ന് പറഞ്ഞപ്പോള് ചിരിച്ചുകൊണ്ടാണ് നഴ്സിന്റെ പ്രതികരണമെന്നും വീട്ടുകാര് ആരോപിച്ചു.
