കൊച്ചിയിൽ എം ഡി എം എയുമായി യുവതിയും യുവാവും പിടിയിൽ ; ഇവരിൽ നിന്ന് 57 ഗ്രാം എം ഡി എം എ പൊലീസ് കണ്ടെടുത്തു

കൊച്ചി : എം ഡി എം എയുമായി യുവതിയെയും യുവാവിനെയും പൊലീസ് അറസ്റ്റുചെയ്തു. തൃശൂർ സ്വദേശിനി ശ്രുതി(24), എറണാകുളം സ്വദേശി മുഹമ്മദ് (28) എന്നിവരാണ് പിടിയിലായത്.

കൊച്ചി കറുകപ്പള്ളിയില്‍ ഇവർ താമസിക്കുന്ന ഫ്ളാറ്റില്‍ പൊലീസ് നടത്തിയ പരിശോധനയിലാണ് ഇരുവരും പിടിയിലായത്. ഇവരിൽ നിന്ന് 57 ഗ്രാം എം ഡി എം എ പൊലീസ് കണ്ടെടുത്തു.

ഇവർ ഏറെനാളായി മയക്കുമരുന്ന് കച്ചവടം നടത്തിവരികയായിരുന്നു എന്നാണ് പൊലീസ് സംശയിക്കുന്നത്. സംഭവത്തെക്കുറിച്ച്‌ കൂടുതല്‍ അന്വേഷണം നടത്തി വരികയാണ്.