മണ്ണുമാന്തി യന്ത്രത്തിന്‍റെ അടിയിലകപ്പെട്ടു; ഇടുക്കി വണ്ടന്‍മേട്ടിൽ ഓപ്പറേറ്റര്‍ക്ക് ദാരുണാന്ത്യം

ഇടുക്കി: മണ്ണുമാന്തി യന്ത്രത്തിന്‍റെ അടിയിലകപ്പെട്ട് ഓപ്പറേറ്ററായ തൊഴിലാളി മരിച്ചു.

മൂന്നാര്‍ പെരിയ കനാല്‍ സ്വദേശി ആനന്ദ് യേശുദാസ് (29) ആണ് മരിച്ചത്. ഇടുക്കി വണ്ടന്‍മേട്ടിലാണ് സംഭവം.

മൂന്ന് ദിവസമായി വണ്ടൻമേട്ടില്‍ സ്വകാര്യ വ്യക്തിയുടെ സ്ഥലത്ത് ജോലി ചെയ്ത് വരികയായിരുന്നു ആനന്ദ്.

രാവിലെ ജോലിക്കെത്തിയവരാണ് മണ്ണുമാന്തി യന്ത്രത്തിന്‍റെ അടിയില്‍ പെട്ട് മരിച്ച നിലയില്‍ മൃതദേഹം കണ്ടത്.
സ്ഥലത്ത് പൊലീസെത്തി തുടര്‍ നടപടികള്‍ സ്വീകരിച്ചു.