കുമരകം ഗവ.വൊക്കേഷണൽ ഹയർ സെക്കന്ററി സ്കൂൾ വാർഷികാഘോഷവും, പൂർവ്വവിദ്യാർത്ഥി സംഗമവും ജനു: 6.7 തീയതികളിൽ: കലാവിരുന്ന്, നാടൻ പാട്ട്

സ്വന്തം ലേഖകൻ

കുമരകം : ഗവൺമെന്റ് വൊക്കേഷണൽ ഹയർ സെക്കന്ററി സ്കൂളിലെ വാർഷികാഘോഷവും, പൂർവ്വവിദ്യാർത്ഥി സംഗമവും ജനുവരി 6,7 തീയതികളിൽ നടക്കും.

ജനുവരി 6ന് സ്കൂൾ ഓഡിറ്റോറിയത്തിൽ രാവിലെ 9 – ന് നടക്കുന്ന വാർഷികാഘോഷം സഹകരണ – തുറമുഖ വകുപ്പ് മന്ത്രി വി.എൻ വാസവൻ ഉത്ഘാടനം ചെയ്യും. ജില്ലാ പഞ്ചായത്ത്‌ പ്രസിഡന്റ്‌ കെ.വി ബിന്ദു മുഖ്യ പ്രഭാഷണം നടത്തും.

കുമരകം പഞ്ചായത്ത്‌ പ്രസിഡന്റ്‌ ധന്യ സാബു കലാവിരുന്ന് ഉത്ഘാടനം ചെയ്യും. ആദരിക്കൽ, നാടൻ പാട്ട് എന്നിവയുമുണ്ട്.

ജനുവരി ഏഴിനാണ് പൂർവ്വവിദ്യാർത്ഥി സംഗമം നടക്കുക. ഉച്ചയ്ക്ക് 1 മണിക്ക് ചടങ്ങ് ആരംഭിക്കും. ഗുരുവന്ദനം, കലാവിരുന്ന് സ്കൂൾ വികസന ചർച്ച എന്നിവയാണ് പരിപാടികൾ. പകർവ്വ വിദ്യാർത്ഥികൾ അവതരിപ്പിക്കുന്ന കലാപരിപാടികളോടെയാവും സമാപനം. ഉണ്ടാവും.