കാഞ്ഞിരപ്പള്ളി ഇടചോറ്റിയില്‍ നിയന്ത്രണം വിട്ട കാര്‍ വൈദ്യുതി പോസ്‌റ്റില്‍ ഇടിച്ച് അപകടം; കാര്‍ ഭാഗികമായി കത്തിനശിച്ചു; യാത്രക്കാര്‍ രക്ഷപ്പെട്ടത് തലനാരിഴക്ക്

സ്വന്തം ലേഖകൻ

കാഞ്ഞിരപ്പള്ളി: ദേശീയപാത 183-ല്‍ ഇടചോറ്റിയില്‍ നിയന്ത്രണം വിട്ട കാര്‍ വൈദ്യുതി പോസ്‌റ്റില്‍ ഇടിച്ച്‌ കത്തിനശിച്ചു.

കാറില്‍ ഉണ്ടായിരുന്ന യാത്രക്കാര്‍ അത്ഭുതകരമായ രക്ഷപ്പെട്ടു. കുമളി ആനവിലാസം സ്വദേശികളായ സിബി, ജിന്‍സി ഇവരുടെ രണ്ടു മക്കളുമാണ്‌ അത്ഭുതകരമായ രക്ഷപ്പെട്ടത്‌. ഇന്നലെ വൈകിട്ട്‌ ആറുമണിയോടെ ഇടചോറ്റിയിലായിരുന്നു അപകടം.

യാത്രക്കാര്‍ കാര്‍ ഇടിച്ച ഉടനെ പുറത്തിറങ്ങിയതിനാല്‍ വന്‍ ദുരന്തമാണ്‌ ഒഴിവായത്‌. ടാറ്റ അല്‍ട്രോസ്‌ കാറായിരുന്നു അപകടത്തില്‍പ്പെട്ടത്‌. ഇടിച്ച്‌ ഏതാനും മിനിറ്റുകള്‍ക്ക്‌ ശേഷമായിരുന്നു തീ പടര്‍ന്നത്‌.