ചങ്ങനാശ്ശേരി വലിയകുളത്ത് ബൈക്കും മാരുതി എക്കോ വാനും തമ്മിൽ കൂട്ടിയിടിച്ച് അപകടം;ബി എസ് എൻ എൽ ജീവനക്കാരന് ദാരുണാന്ത്യം

സ്വന്തം ലേഖകൻ

ചങ്ങനാശ്ശേരി: വലിയകുളത്ത് വാഹന അപകടത്തിൽ ബിഎസ്എൻഎൽ ജീവനക്കാരന് ദാരുണാന്ത്യം. മല്ലപ്പള്ളി പൂവതിങ്കൽ സുനിൽ കുമാർ ആണ് മരിച്ചത്.

ഇന്നലെ രാത്രി എട്ടുമണിയോടെ വലിയകുളത്തു വെച്ച് സുനിൽകുമാർ സഞ്ചരിച്ച ബൈക്കും എതിർദിശയിൽനിന്ന് എത്തിയ മാരുതി എക്കോ വാനും തമ്മിൽ കൂട്ടിയിടിയ്ക്കുകയായിരുന്നു.

ഗുരുതരമായി പരിക്കേറ്റ സുനിൽകുമാറിനെ ചെത്തിപുഴയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.

ചങ്ങനാശ്ശേരി പോലിസ് സ്ഥലത്തെത്തി മേൽനടപടികൾ സ്വീകരിച്ചു