യാത്രക്കാരിയെ രാത്രി പാതി വഴിയില്‍ ഇറക്കിവിട്ടു; ബസ് കണ്ടക്ടറുടെ ലൈസൻസ് 20 ദിവസത്തേക്ക് സസ്പെൻഡ് ചെയ്തു

സ്വന്തം ലേഖകൻ

കൊച്ചി: യാത്രക്കാരിയെ രാത്രി പാതി വഴിയില്‍ ഇറക്കിവിട്ട ബസ് കണ്ടക്ടറുടെ ലൈസന്‍സ് റദ്ദാക്കി. ആലുവ – തൃപ്പൂണിത്തുറ റൂട്ടിലോടുന്ന ജോസ്‌കോ ബസ് കണ്ടക്ടര്‍ സജു തോമസിന്റെ ലൈസന്‍സാണ് റദ്ദാക്കിയത്.

20 ദിവസത്തേക്കാണ് ലൈസൻസ് സസ്പെൻഡ് ചെയ്തത്. ആലുവ ജോയിന്റ് ആര്‍ടിഒ ബി ഷഫീഖ് ആണ് നടപടി സ്വീകരിച്ചത്.

കഴിഞ്ഞദിവസം രാത്രി 8.40 നാണ് സംഭവം. ആലുവ സര്‍ക്കാര്‍ ആശുപത്രി പരിസരത്ത് യാത്ര അവസാനിപ്പിക്കുന്നു എന്ന് പറഞ്ഞാണ് നാദിറയെന്ന സ്ത്രീയെ ഇറക്കിവിടുകയായിരുന്നു.

തുടർന്ന് പാതിവഴിയിൽ ഇറക്കി വിട്ടെന്ന് കാണിച്ച് ഇവർ പോലീസിൽ പരാതി നൽകുകയായിരുന്നു.