കൊല്ലം – എഗ്മോര്‍ എക്‌സ്പ്രസിന്റെ കോച്ചില്‍ വിള്ളല്‍; കണ്ടെത്തിയത് ചെങ്കോട്ടയില്‍ നടത്തിയ പരിശോധനയില്‍; ഒഴിവായത് വന്‍ദുരന്തം….!

സ്വന്തം ലേഖിക

കൊല്ലം: കൊല്ലം- ചെന്നൈ എഗ്മോര്‍ എക്‌സ്പ്രസിന്റെ കോച്ചില്‍ വിള്ളല്‍ കണ്ടെത്തി.

കൊല്ലത്തു നിന്ന് ഞായറാഴ്ച ഉച്ചയ്ക്ക് പുറപ്പെട്ട ട്രെയിൻ ചെങ്കോട്ടയില്‍ എത്തിയപ്പോഴാണ് ഇക്കാര്യം ശ്രദ്ധയില്‍പ്പെട്ടത്.

ചെങ്കോട്ടയിലെത്തിയപ്പോള്‍ റെയില്‍വേ ജീവനക്കാര്‍ നടത്തിയ പരിശോധനയിലാണ് എസ് 3 കോച്ചിന്റെ അടിയിലായി ഷോക്ക് അബ്‌സോര്‍ബറിനോടു ചേര്‍ന്ന ഭാഗത്ത് വിള്ളല്‍ കണ്ടെത്തിയത്.

ഉടൻ തന്നെ യാത്രക്കാരെ ബോഗിയില്‍ നിന്ന് മാറ്റി മറ്റൊന്നിലേക്ക് കയറ്റി. മധുരയില്‍ വച്ച്‌ മറ്റൊരു ബോഗി ട്രെയിനിന്റെ ഭാഗമാക്കി യാത്ര തുടര്‍ന്നു. വിള്ളല്‍ ശ്രദ്ധയില്‍പ്പെട്ടതിനാല്‍ വൻ ദുരന്തം ഒഴിവായി.