പവര്‍പ്ലേയില്‍ കൊല്‍ക്കത്തയെ എറിഞ്ഞൊതുക്കി ദീപക് ചഹാര്‍; വിജയത്തിലേക്ക് നയിച്ച്‌ റിങ്കു – നിതീഷ് കൂട്ടുകെട്ട്; ധോണിപ്പടയെ വീഴ്ത്തി കൊല്‍ക്കത്ത
സ്വന്തം ലേഖിക
ന്യൂഡൽഹി: ഐപിഎല്ലില്‍ ചെന്നൈ സൂപ്പര്‍ കിംഗ്സിനെ തകര്‍ത്ത് കൊല്‍ക്കത്ത നൈറ്റ് റൈഡേഴ്സ്.
ചെന്നൈയുടെ തട്ടകമായ ചെപ്പോക്കില്‍ 6 വിക്കറ്റിനാണ് കൊല്‍ക്കത്തയുടെ വിജയം. കൊല്‍ക്കത്തയുടെ പ്ലേ ഓഫ് സാധ്യതകള്‍ സജീവം.
Whatsapp Group 1 | Whatsapp Group 2 |Telegram Group
ചെന്നൈ സൂപ്പര്‍ കിംഗ്സിനെ 144 റണ്‍സിലൊതുക്കി ശേഷം ഒരു ഘട്ടത്തില്‍ 33/3 എന്ന നിലയില്‍ ആയിരുന്ന കൊല്‍ക്കത്ത പിന്നീട് റിങ്ക സിംഗ് – നിതീഷ് റാണ കൂട്ടുകെട്ടിന്റെ ബലത്തില്‍ 18.3 ഓവറില്‍ 4 വിക്കറ്റ് നഷ്ടത്തില്‍ ടീം വിജയം കുറിച്ചു.
ആദ്യ ഓവറുകളില്‍ തന്നെ റഹ്മാനുള്ള ഗുര്‍ബാസിനെയും വെങ്കിടേഷ് അയ്യരിനെയും ദീപക് ചഹാര്‍ പുറത്താക്കിയപ്പോള്‍ കൊല്‍ക്കത്ത 21/2 എന്ന നിലയിലേക്ക് വീണു. തന്റെ മൂന്നാം ഓവര്‍ എറിയാനെത്തിയ ചഹാര്‍ ജേസണ്‍ റോയിയെ പുറത്താക്കിയപ്പോള്‍ കൊല്‍ക്കത്തയ്ക്ക് മൂന്നാം വിക്കറ്റും നഷ്ടമായി.
പവര്‍പ്ലേ അവസാനിക്കുമ്പോള്‍ കൊല്‍ക്കത്ത 46/3 എന്ന നിലയിലാണ്.
പിന്നീട് റിങ്കു സിംഗും നിതീഷ് റാണയും ചേര്‍ന്ന് മികച്ച രീതിയില്‍ കൊല്‍ക്കത്തയുടെ സ്കോര്‍ മുന്നോട്ട് നീക്കിയപ്പോള്‍ അവസാന ആറോവറില്‍ വെറും 40 റണ്‍സ് മതിയായിരുന്നു കൊല്‍ക്കത്തയ്ക്ക് വിജയിക്കുവാന്‍.
99 റണ്‍സ് കൂട്ടുകെട്ട് 54 റണ്‍സ് നേടിയ റിങ്കുവിനെ റണ്ണൗട്ടാക്കി ചെന്നൈ തകര്‍ത്തുവെങ്കിലും വിജയത്തിന് അരികെ കൊല്‍ക്കത്ത എത്തിക്കഴിഞ്ഞിരുന്നു.
നിതീഷ് റാണ പുറത്താകാതെ 57 റണ്‍സുമായി ടീമിന്റെ വിജയ റണ്‍സ് ബൗണ്ടറിയിലൂടെ നേടി ആറ് വിക്കറ്റ് വിജയം കൊല്‍ക്കത്തയ്ക്കായി സമ്മാനിച്ചു.
