കാവ്യ ഇന്ത്യ കണ്ടിട്ടുള്ള ഏറ്റവും നല്ല നടിമാരിലൊരാളാണെന്നാണ് ഞാന്‍ വിശ്വസിക്കുന്നത് ; പൃഥിരാജ് അന്ന് പറഞ്ഞത്
സ്വന്തം ലേഖകൻ
മലയാളികളുടെ പ്രിയപ്പെട്ട നടനാണ് പൃഥിരാജ്. ഇരുപതുകളുടെ തുടക്കത്തില്‍ തന്നെ മലയാള സിനിമയിലെ മുന്‍നിര നായക നടനാവാന്‍ കഴിഞ്ഞ വ്യക്തിയുമാണ് പൃഥിരാജ്.
നന്ദനത്തില്‍ നിന്നും ആടുജീവിതം വരെ എത്തി നില്‍ക്കുന്ന പൃഥിയുടെ കരിയറില്‍ നേട്ടങ്ങളേറെയാണ്. നടന്‍ എന്നതിലുപരി നിര്‍മാതാവ്, സംവിധായകന്‍, വിതരണക്കാരന്‍ തുടങ്ങി പല നിലകളില്‍ പൃഥിരാജ് പേരെടുത്തു. അന്നും ഇന്നും നിരവധി ആരാധകരും പൃഥിക്കിന്നുണ്ട്
Whatsapp Group 1 | Whatsapp Group 2 |Telegram Group
ക്ലാസ്മേറ്റ്സ്, വാസ്തവം തുടങ്ങിയ സിനിമകളിലൂടെ തുടക്ക കാലത്ത് തന്നെ സിനിമാ രംഗത്ത് ഇരുത്തം വന്ന നടനായി മാറാന്‍ പൃഥിരാജിന് കഴിഞ്ഞു. സിനിമയില്‍ എന്തൊക്കെ നേട്ടങ്ങള്‍ ആഗ്രഹിച്ചോ അതൊക്കെ പൃഥി ഇന്ന് നേടിയെടുത്തെന്നതും ശ്രദ്ധേയമാണ്. ഓഫ് സ്ക്രീനില്‍ കാര്യങ്ങള്‍ തുറന്നടിച്ച്‌ സംസാരിക്കുന്ന വ്യക്തിയാണ് പൃഥിരാജ്.
തുടക്ക കാലത്ത് കരിയറില്‍ ഇതിന്റെ പേരില്‍ ചില പ്രതിസന്ധികളും നേരിടേണ്ടി വന്നിരുന്നു.
മോഹന്‍ലാലും മമ്മൂട്ടിയും പ്രായത്തിനനുസരിച്ചുള്ള കഥാപാത്രം ചെയ്യണമെന്ന പൃഥിരാജിന്റെ പരാമര്‍ശം അന്ന് വലിയ തോതില്‍ ചര്‍ച്ചയായിരുന്നു.
സൂപ്പര്‍ സ്റ്റാറുകളുടെ ഫാന്‍സ് അന്ന് പൃഥിക്ക് നേരെ വ്യാപക സൈബറാക്രണം നടത്തി. പൃഥിക്ക് അഹങ്കാരിയാണെന്ന പ്രതിച്ഛായയും സിനിമാ ലോകത്ത് അന്നുണ്ടായി. എന്നാല്‍ പിന്നീട് ഈ സാഹചര്യം മാറി. കുറ്റപ്പെടുത്തിയവര്‍ തന്നെ പൃഥിയെ പുകഴ്ത്തുകയും ചെയ്തു. കരിയറില്‍ ഒട്ടനവധി നടിമാര്‍ക്കൊപ്പം പൃഥിരാജ് അഭിനയിച്ചിട്ടുണ്ട്.
നടി കാവ്യയെക്കുറിച്ച്‌ പൃഥിരാജ് മുമ്ബ് പറഞ്ഞ വാക്കുകളാണിപ്പോള്‍ ശ്രദ്ധ നേടുന്നത്. ‘മോസ്റ്റ് അണ്ടര്‍ റേറ്റഡ് ആക്‌ട്രസ്. മലയാളികളെല്ലാവരും കാവ്യയെ മിക്കപ്പോഴും കണ്ടിരിക്കുന്നത് അയല്‍വക്കത്തെ പെണ്‍കുട്ടി നാണം കുണുങ്ങിയായ നായിക എന്ന നിലയ്ക്കാണ്. കാവ്യ ഇന്ത്യ കണ്ടിട്ടുള്ള ഏറ്റവും നല്ല നടിമാരിലൊരാളാണെന്നാണ് ഞാന്‍ വിശ്വസിക്കുന്നത്.
ആ കാവ്യയെ എക്സ്പ്ലോയ്റ്റ് ചെയ്യാന്‍ വളരെ ചുരുക്കം സിനിമകള്‍ക്കേ സാധിച്ചിട്ടുള്ളൂ. അതിലൊരു സിനിമ ഞാന്‍ അഭിനയിച്ച വാസ്തവമായിരുന്നു. അതില്‍ സ്ക്രീന്‍ ടൈം വളരെ കുറച്ച്‌ മാത്രമായിരുന്നെങ്കിലും എനിക്ക് കാവ്യ മാധവനെന്ന നടിയെ നോക്കുമ്ബോള്‍ അതൊരു ഐ ഓപ്പണിംഗ് പെര്‍ഫോമന്‍സായിരുന്നു,’ പൃഥിരാജ് പറഞ്ഞതിങ്ങനെ. നടന്‍ ദിലീപുമായുള്ള വിവാഹ ശേഷം സിനിമാ രംഗത്ത് നിന്ന് മാറി നില്‍ക്കുകയാണ് കാവ്യ മാധവന്‍.
