![വന്ദേഭാരത് എക്സ്പ്രസിന് തിരുവല്ലയിലും തിരൂരും സ്റ്റോപ്പുകള് അനുവദിക്കണം; കേന്ദ്ര റെയില്വേമന്ത്രിയ്ക്ക് കത്തയച്ച് മുഖ്യമന്ത്രി പിണറായി വിജയൻ വന്ദേഭാരത് എക്സ്പ്രസിന് തിരുവല്ലയിലും തിരൂരും സ്റ്റോപ്പുകള് അനുവദിക്കണം; കേന്ദ്ര റെയില്വേമന്ത്രിയ്ക്ക് കത്തയച്ച് മുഖ്യമന്ത്രി പിണറായി വിജയൻ](https://i0.wp.com/thirdeyenewslive.com/storage/2023/05/vandhey.jpg?fit=958%2C1280&ssl=1)
വന്ദേഭാരത് എക്സ്പ്രസിന് തിരുവല്ലയിലും തിരൂരും സ്റ്റോപ്പുകള് അനുവദിക്കണം; കേന്ദ്ര റെയില്വേമന്ത്രിയ്ക്ക് കത്തയച്ച് മുഖ്യമന്ത്രി പിണറായി വിജയൻ
സ്വന്തം ലേഖകൻ
തിരുവനന്തപുരം: വന്ദേഭാരത് എക്സ്പ്രസിന് തിരുവല്ലയിലും തിരൂരും സ്റ്റോപ്പുകള് അനുവദിക്കണമെന്ന് മുഖ്യമന്ത്രി പിണറായി വിജയന്. ഇക്കാര്യം ആവശ്യപ്പെട്ട് മുഖ്യമന്ത്രി കേന്ദ്ര റെയില്വേമന്ത്രി അശ്വനി വൈഷ്ണവിന് കത്തയച്ചു. കേരളത്തിന്റെ വടക്കും മധ്യഭാഗത്തും സ്ഥിതി ചെയ്യുന്ന ഈ സ്റ്റേഷനുകളുടെ പ്രാധാന്യവും മുഖ്യമന്ത്രി കത്തില് ചൂണ്ടിക്കാട്ടിയിട്ടുണ്ട്.
തിരുവല്ല, തിരൂർ സ്റ്റേഷനുകളിൽ നിന്ന് നിരവധി പേരാണ് നിത്യവും വിവിധ സ്ഥലങ്ങളിലേക്ക് യാത്ര ചെയ്യുന്നത്. അതിനാൽ റെയിൽവേയ്ക്ക് വരുമാനം കൂടാൻ ഇടയാക്കുന്ന ഈ രണ്ട് സ്റ്റേഷനിലും സ്റ്റോപ്പ് അനുവദിക്കണമെന്നാണ് മുഖ്യമന്ത്രി ആവശ്യപ്പെട്ടിട്ടുള്ളത്. തിരൂരിൽ സ്റ്റോപ്പ് വേണമെന്ന് ആവശ്യപ്പെട്ട് നേരത്തെ പ്രതിഷേധം നടന്നിരുന്നു.
Whatsapp Group 1 | Whatsapp Group 2 |Telegram Group
തിരൂരിൽ സ്റ്റോപ്പ് അനുവദിക്കണമെന്ന് ആവശ്യപ്പെട്ട് തിരൂർ സ്വദേശി പി ടി ഷീജിത്ത് നൽകിയ ഹർജി ഹൈക്കോടതി കഴിഞ്ഞ ദിവസം തള്ളിയിരുന്നു. ഓരോരുത്തരുടെ താൽപര്യത്തിന് സ്റ്റോപ്പ് അനുവദിച്ചാൽ എക്സ്പ്രസ് ട്രെയിൻ എന്ന സങ്കൽപം ഇല്ലാതാകുമെന്ന് കോടതി അഭിപ്രായപ്പെട്ടു.