അമരവിള ചെക്ക്പോസ്റ്റില്‍ എക്സൈസ് പരിശോധന; കൊല്ലം സ്വദേശിയായ നേഴ്സിങ് വിദ്യാർത്ഥി എംഡിഎംഎയുമായി പിടിയിൽ; ബെംഗളൂരുവില്‍ നിന്നും കേരളത്തിലേക്ക് ടൂറിസ്റ്റ് ബസില്‍ കടത്തുകയായിരുന്ന 47 ഗ്രാം എംഡിഎംഎ പ്രതിയിൽ നിന്ന് കണ്ടെടുത്തു

സ്വന്തം ലേഖകൻ

തിരുവനന്തപുരം: അമരവിള ചെക്ക്പോസ്റ്റില്‍ നടന്ന എക്സൈസ് റെയിഡിനിടെ ടൂറിസ്റ്റ് ബസിലെത്തിയ നഴ്സിംഗ് വിദ്യാര്‍ത്ഥി എംഡിഎംഎയുമായി പിടിയിൽ. കൊല്ലം സ്വദേശി സൂരത്താണ് എക്സൈസിൻറെ പിടിയിലായത്.

ബെംഗളൂരുവില്‍ നിന്നും കേരളത്തിലേക്ക് ടൂറിസ്റ്റ് ബസില്‍ കടത്തുകയായിരുന്ന 47 ഗ്രാം എംഡിഎംഎയാണ് എക്സൈസ് പിടികൂടിയത്.

ബസില്‍ പരിശോധന നടത്തവെ സംശയം തോന്നി വിദ്യാർത്ഥിയുടെ ബാഗ് പരിശോധിച്ചപ്പോഴാണ് മയക്കുമരുന്ന് കണ്ടെത്തിയത്. വിദ്യാര്‍ത്ഥിയെ എക്സൈസ് കസ്റ്റഡിയിലെടുത്തു. ഇയാളെ ചോദ്യം ചെയ്തുവരികയാണെന്ന് എക്സൈസ് അറിയിച്ചു.