സ്വന്തം ലേഖിക
കണ്ണൂര്: കാപ്പ ചുമത്തി ആകാശ് തില്ലങ്കേരിയെ നാടുകടത്താന് പൊലീസ് നീക്കം.
ഇതിന് മുന്നോടിയായി ആകാശ് ഉള്പെട്ട കേസുകള് പൊലീസ് പരിശോധിച്ചു വരികയാണ്. ഇതിനിടെ പരാതി നല്കിയ ഡിവൈഎഫ്ഐ വനിതാ നേതാവിനെതിരെ ആകാശ് തില്ലങ്കേരി ഒളിവിലിരുന്ന് വ്യക്തിഹത്യ തുടരുകയാണ്. ഫേസ്ബുക്ക് അക്കൗണ്ട് വഴിയാണ് ശ്രീലക്ഷ്മിയെ അധിക്ഷേപിക്കുന്നത്.
Whatsapp Group 1 | Whatsapp Group 2 |Telegram Group
അതേസമയം ടവര് ലൊക്കേഷന് മനസിലാക്കാന് കഴിയുന്നില്ലെന്നും ആകാശിനെ കണ്ടെത്താനാകുന്നില്ലെന്നാണ് പേരാവൂര് ഡിവൈഎസ്പിയുടെ വിശദീകരണം.
അതേസമയം ആകാശ് എത്ര പ്രകോപനമുണ്ടാക്കിയാലും പ്രതികരിക്കേണ്ടെന്നാണ് സി പി എം, ഡിവൈഎഫ്ഐ പ്രവര്ത്തകര്ക്ക് പാര്ട്ടി നേതൃത്വം നല്കിയിരിക്കുന്ന നിര്ദ്ദേശം. ആകാശിന് സമൂഹമാധ്യമങ്ങളിലൂടെ ഒരു മറുപടിയും പറയേണ്ടതില്ല.
ക്വട്ടേഷന് സംഘത്തെ നിയമപരമായി ഇല്ലാതാക്കാമെന്നും പാര്ട്ടി അണികളെ അറിയിച്ചിട്ടുണ്ട്.
സിപിഎമ്മിനെ വെട്ടിലാക്കി നിര്ണായക വെളിപ്പെടുത്തലുമായി ആകാശ് തില്ലങ്കേരി രംഗത്തെത്തിയിരുന്നു. പാര്ട്ടിക്ക് വേണ്ടി കൊലപാതകം നടത്തിയെന്ന് ഷുഹൈബ് വധക്കേസിലെ ഒന്നാം പ്രതി ആകാശ് തില്ലങ്കേരി ഫേസ്ബുക്ക് കമന്റിലൂടെ വെളിപ്പെടുത്തി.
‘എടയന്നൂരിലെ പാര്ട്ടി നേതാക്കളാണ് ഞങ്ങളെക്കൊണ്ടത് ചെയ്യിച്ചതെന്നും ആകാശ് തുറന്നടിച്ചു. ഡിവൈഎഫ്ഐ ബ്ലോക്ക് സെക്രട്ടറിയുടെ എഫ് ബി പോസ്റ്റിന് കമന്റായാണ് ആകാശ് നിര്ണായക വിവരങ്ങള് തുറന്നെഴുതിയത്.
