താമരശ്ശേരി ചുരത്തില്‍ വെച്ച്‌ അഭിഭാഷകന് വെട്ടേറ്റു; ആക്രമിച്ചത് കാറിലെത്തിയ സംഘം; വ്യക്തിവൈരാഗ്യമാണ് ആക്രമണത്തിന് പിന്നില്‍ എന്ന് വിവരം

സ്വന്തം ലേഖിക

കോഴിക്കോട്: താമരശ്ശേരിയില്‍ അഭിഭാഷകന് വെട്ടേറ്റു.

കല്‍പ്പറ്റ സ്വദേശി സച്ചിനാണ് വെട്ടേറ്റത്. ഗുരുതരമായി പരിക്കേറ്റ സച്ചിനെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

വൈകീട്ടോടെയായിരുന്നു സംഭവം. സ്‌കൂട്ടറില്‍ പോകുന്നതിനിടെ താരശ്ശേരി ചുരത്തില്‍വച്ചായിരുന്നു സച്ചിന് നേരെ ആക്രമണം ഉണ്ടായത്.

കാറില്‍ പിന്തുടര്‍ന്നെത്തിയ സംഘം വെട്ടിപ്പരിക്കേല്‍പ്പിക്കുകയായിരുന്നു.
തിരുവനന്തപുരത്താണ് സച്ചിന്‍ അഭിഭാഷകനായി ജോലി ചെയ്യുന്നത്.

വ്യക്തിവൈരാഗ്യമാണ് ആക്രമണത്തിന് പിന്നില്‍ എന്നാണ് വിവരം. സംഭവത്തില്‍ പോലീസ് അന്വേഷണം ആരംഭിച്ചു.