കനത്ത മഴ; കോട്ടയം കളക്ടറേറ്റ് വളപ്പിലെ വൻ മരം കടപുഴകി വീണു

സ്വന്തം ലേഖിക

കോട്ടയം: കനത്ത മഴയിൽ കളക്ടറേറ്റ് വളപ്പിലെ വൻ മരം കടപുഴകി വീണു.

ജല അതോറിറ്റി ഓഫിസിനു പിന്നിലെ മരമാണു സബ് ജയിൽ റോഡിലേക്കു വീണത്. റോഡിൽ വാഹനങ്ങൾ ഇല്ലാത്തതിനാൽ കൂടുതൽ അപകടമുണ്ടായില്ല. രാത്രി പത്തരയോടെയാണു സംഭവം.

രാത്രി 8 മുതൽ പ്രദേശത്തു നല്ല മഴയായിരുന്നു. മരത്തിന്റെ ഒരുഭാഗം ജയിലിന്റെ മതിലിലേക്കും വളപ്പിലേക്കും വീണു. മതിലിനു തകരാറില്ല. കൊമ്പുകൾ വൈദ്യുതക്കമ്പിയിൽ തട്ടിയതോടെ വൈദ്യുതി ബന്ധം വിഛേദിച്ചു.
വൈദ്യുതത്തൂണുകൾക്കു തകരാറുണ്ട്. അസിസ്റ്റന്റ് സ്റ്റേഷൻ ഓഫിസർ റെജിമോന്റെ നേതൃത്വത്തിൽ അഗ്നിരക്ഷാ സേന മരം മുറിച്ചുനീക്കി.