പത്തനംതിട്ട റാന്നിയിൽ തെരുവ് നായയുടെ കടിയേറ്റ 12 വയസുകാരി ഗുരുതരാവസ്ഥയിൽ; തെരുവ് നായയുടെ ആക്രമണത്തിന് ഇരയായത് രണ്ടാഴ്ച മുൻപ് പാൽ വാങ്ങാൻ പോകുന്നതിനിടെ

പത്തനംതിട്ട:പത്തനംതിട്ട റാന്നിയിൽ തെരുവ് നായയുടെ കടിയേറ്റ് 12 വയസുകാരി ഗുരുതരാവസ്ഥയിൽ. കുട്ടിയെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

റാന്നി സ്വദേശി ഹരീഷിന്റെ മകൾ അ‌ഭിരാമിയെയാണ് ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചത്. രണ്ടാഴ്ച മുൻപാണ് പാൽ വാങ്ങാൻ പോകുന്നതിനിടെ കുട്ടിക്ക് തെരുവ് നായയുടെ കടിയേറ്റത്.

കൈ​യി​ലും കാ​ലി​ലും ക​ണ്ണി​ലു​മാ​യി ഏ​ഴി​ട​ത്ത് ക​ടി​യേ​റ്റി​രു​ന്നു. പട്ടിയുടെ കടിയേറ്റതിനെ തുടർന്നു പ്രതിരോധ വാക്സിൻ കുട്ടിക്ക് നൽകിയിരുന്നു.

പത്തനംതിട്ട ജനറൽ ആശുപത്രിയിലാണ് ആദ്യം ചികിത്സ തേടിയത്. വെ​ള്ളി​യാ​ഴ്ച വൈ​കി​ട്ടോ​ടെ​ കു​ട്ടി​യു​ടെ നി​ല ഗു​രു​ത​രമായതിനെത്തുടർന്ന് കോട്ടയം മെഡിക്കൽ കോളജിലേക്ക് മാറ്റുകയായിരുന്നു.