സ്വന്തം ലേഖകൻ
കൊല്ലം: വിസ്മയ സ്ത്രീധന പീഡനത്തെ തുടർന്ന് ആത്മഹത്യ ചെയ്ത കേസിൽ പ്രതിയായ ഭര്ത്താവ് കിരണ് കുമാറിന് ലഭിച്ച ശിക്ഷയില് തൃപ്തനാണെന്ന് വിസ്മയയുടെ അച്ഛന്.
മകള്ക്ക് നീതി കിട്ടിയെന്നും വിധിയില് സന്തോഷമുണ്ടെന്നും വിസ്മയ അച്ഛന് ത്രിവിക്രമൻ മാധ്യമങ്ങളോട് പ്രതികരിച്ചു. സര്ക്കാരിനോടും അന്വേഷണ ഉദ്യോഗസ്ഥര്ക്കും മാധ്യമങ്ങള്ക്കും അദ്ദേഹം നന്ദി അറിയിച്ചു.
Whatsapp Group 1 | Whatsapp Group 2 |Telegram Group
എന്നാൽ കിരണ് കുമാറിന് ലഭിച്ച ശിക്ഷ കുറഞ്ഞ് പോയെന്നായിരുന്നു വിസ്മയയുടെ അമ്മ സജിത പ്രതികരിച്ചത്. ജീവപര്യന്തം ശിക്ഷയാണ് താന് പ്രതീക്ഷിച്ചതെന്നും വിധിക്കെതിരെ മേല്ക്കോടതിയില് അപ്പീല് നല്കുമെന്നും സജിത പ്രതികരിച്ചു.
കേസിൽ കിരണ് മാത്രമാണ് കുറ്റക്കാരനാണെന്ന് കരുതുന്നില്ല, അവന് മറ്റാരുടെയൊക്കെയോ പ്രേരണ ഉണ്ടായിട്ടുണ്ട്. അതിന്റെ പ്രേരണ കൊണ്ടാണ് കിരണ് ഇങ്ങനെ ഒക്കെ ചെയ്തത് എന്ന് വിശ്വസിക്കുന്നു.
അതിന്റെ കേസുകള് പുറകെ വരുന്നുണ്ട്. കേസില് കൂടുതല് ശിക്ഷ കിരണിന് കിട്ടാനായി ഏതറ്റം വരെ പോകാനാവുമോ അതുവരെ പോകുമെന്നും അമ്മ പറഞ്ഞു.
