കോട്ടയം മണർകാട് പാലത്തിന്റെ കൈവരിയിലിടിച്ച് നിയന്ത്രണം വിട്ട ബൈക്ക് തോട്ടിൽ വീണു; യുവാവിന് ദാരുണാന്ത്യം

സ്വന്തം ലേഖകൻ
മണർകാട് : കോട്ടയത്ത് മണർകാട് മാലം ജംഗ്ഷന് സമീപമുള്ള പാലത്തിൻ്റെ കൈവരിയിൽ ഇടിച്ച് നിയന്ത്രണംവിട്ട ബൈക്ക് തോട്ടിൽ വീണ് യുവാവിന് ദാരുണാന്ത്യം.

Link

Embed

Copy and paste this HTML code into your webpage to embed.

മണർകാട് കാവുംപടി തെക്കുംകുന്നേൽ ദീപുവിൻ്റെ മകൻ അരവിന്ദ് ടി.സി (22) ആണ് മരിച്ചത്.ശനിയാഴ്ച രാത്രി 12 മണിയോടെയാണ് അപകടം.

രാത്രിയിൽ ഉണ്ടായ അപകടം നാട്ടുകാർ അറിഞ്ഞിരുന്നില്ല. ഈ വഴി പോയവർ വാഹനം മറിഞ്ഞ് കിടക്കുന്നത് കണ്ടെങ്കിലും തോട്ടിൽ യാത്രികൻ വീണതായി മനസിലാക്കിയിരുന്നില്ല.

പാലത്തിൻ്റെ താഴെ കെട്ടിനുള്ളിൽ ബൈക്ക് കിടക്കുന്നത് കണ്ട് പരിശോധിച്ചപ്പോഴാണ് അരവിന്ദ് പത്തടിയിലധികം താഴെ തോട്ടിൽ കിടക്കുന്നത് കണ്ടത്.

പാമ്പാടിയിൽ നിന്ന് ഫയർഫോഴ്സ് എത്തിയാണ് മൃതദേഹം തോട്ടിൽ നിന്നെടുത്തത്.

സ്വകാര്യ സ്ഥാപനത്തിലെ ഡ്രൈവറായിരുന്നു അരവിന്ദ്. സന്ധ്യയാണ് മാതാവ്.