വനിതാ ജീവനക്കാരുള്ള വാട്​സ്​ആപ്​ ഗ്രൂപ്പില്‍ അശ്ലീല വിഡിയോ പ്രചരിപ്പിച്ചു; കെ.എസ്.ആര്‍.ടി.സി ഡ്രൈവർക്ക് സസ്പെന്‍ഷൻ

സ്വന്തം ലേഖിക

ആറ്റിങ്ങല്‍: കെ.എസ്.ആര്‍.ടി.സി ആറ്റിങ്ങല്‍ ഡിപ്പോയിലെ വനിതാ ജീവനക്കാരുള്ള വാട്​സ്​ആപ്​ ഗ്രൂപ്പില്‍ അശ്ലീല വിഡിയോ പോസ്​റ്റ്​ ചെയ്ത ഡ്രൈവർക്ക് സസ്പെന്‍ഷൻ.

ആറ്റിങ്ങല്‍ ഡിപ്പോയില്‍ നിന്ന്​ വര്‍ക്കിങ്​ അറേഞ്ച്മെൻ്റില്‍ തിരുവനന്തപുരം സെന്‍ട്രല്‍ ഡിപ്പോയില്‍ ജോലി ചെയ്തിരുന്ന ഡ്രൈവര്‍ എം സാബുവിനെയാണ് അന്വേഷണവിധേയമായി സസ്പെന്‍ഡ്​ ചെയ്തത്.

സാബുവി​ൻ്റെ പ്രവൃത്തി അച്ചടക്ക ലംഘനവും സ്വഭാവദൂഷ്യവുമാണെന്ന് സസ്പെന്‍ഷന്‍ ഉത്തരവില്‍ ഗവ. അഡീഷനല്‍ സെക്രട്ടറി മുഹമ്മദ് അന്‍സാരി ചൂണ്ടിക്കാട്ടി.

നെടുമങ്ങാട് ഇന്‍സ്പെക്ടര്‍ ബി. ഗിരീഷ് നടത്തിയ അന്വേഷണത്തെ തുടര്‍ന്നാണ് നടപടി.