തക്ഷശില ലൈബ്രറിയുടെദീപ്തം 2021 ന് തുടക്കമായി

സ്വന്തം ലേഖകൻ

തിരുവനന്തപുരം: ആറ്റിങ്ങൽ മാമംതക്ഷശില ലൈബ്രറി & റീഡിംഗ് റൂം ആഭിമുഖ്യത്തിൽ ദീപ്തം 2021 പദ്ധതിയുടെ ഉദ്ഘാടനം കിഴുവിലം ജി.വി. ആർ.എം.യു.പി.സ്കൂൾ അങ്കണത്തി നടന്നു.

കിഴുവിലം പഞ്ചായത്ത് ആരോഗ്യവിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ ഉദ്ഘാടനം വിനീത നിർവ്വഹിച്ചു.സാമ്പത്തികപിന്നോക്കാവസ്ഥയുള്ള കുട്ടികളുടെ പഠന ത്തിനായി ലൈബ്രറി ആവിഷ്കരിച്ച പദ്ധതിയാണ് ‘ദീപ്തം’.

പരിപാടിയുടെ ഭാഗമായി 100 കുട്ടികൾക്കുള്ള പഠനോപകരണങ്ങൾ, സ്കൂൾ ലൈബ്രറിയിലേക്ക് സ്മാർട്ട് ഫോണുകൾ, എന്നിവ നല്കി. പഠനസാമഗ്രികളുടെ വിതരണം ഗ്രാമ പഞ്ചായത്ത് അംഗം പ്രസന്നകുമാരി വിതരണം ചെയ്തു.

സ്മാർട്ട് ഫോണുകൾ സ്കൂൾ ഹെഡ്മിസ്ട്രസ് ശ്രീജ,സ്കൂൾ മാനേജർ നാരായണൻ , അധ്യാപകർ എന്നിവർ ഏറ്റുവാങ്ങി. ലൈബ്രറി പ്രസിഡന്റ് ജയകുമാർ, സെക്രട്ടറി ശ്രീജിത്ത്, മധുകുമാർ, ബാലാനന്ദൻ, സുജകമല, നിമിഷ, നന്ദു നാരായണൻ , അരവിന്ദ്, രഞ്ജിത്ത്, രാജശേഖരൻ, ഗോപകുമാർ എന്നിവർ സംസാരിച്ചു. സ്കൂൾ പി.റ്റി.എ പ്രസിഡന്റ് ശ്യാംകൃഷ്ണ നന്ദി പറഞ്ഞു.