സ്വന്തം ലേഖകന്
കാസര്കോഡ്: പാണത്തൂരില് വിവാഹസംഘത്തിന്റെ ബസ് നിയന്ത്രണം വിട്ട് വീടിന് മുകളിലേക്ക് മറിഞ്ഞ് അഞ്ച് മരണം. രണ്ട് കുട്ടികളും രണ്ട് സ്ത്രീകളും ഒരു പുരുഷനുമാണ് അപകടത്തില് മരിച്ചത്. കര്ണാടകയില് നിന്നുള്ള വിവാഹസംഘം സഞ്ചരിച്ച ബസ് രാവിലെ 11.45 ഓടെ അപകടത്തില്പ്പെടുകയായിരുന്നു.
കര്ണാടകയിലെ ഈശ്വരമംഗലത്ത് നിന്നും അതിര്ത്തി ഗ്രാമമായ കരിക്ക ചെത്തുകയം എന്ന സ്ഥലത്തേക്ക് വന്ന വധുവിന്റെ വീട്ടുകാര് സഞ്ചരിച്ച ബസാണ് അപകടത്തില്പ്പെട്ടത്. ബസില് 40 ഓളം പേരുണ്ടായിരുന്നുവെന്നാണ് പ്രാഥമിക നിഗമനം.
Whatsapp Group 1 | Whatsapp Group 2 |Telegram Group
ബസ് നിയന്ത്രണംവിട്ട് റോഡിനു താഴെയുള്ള ജോസ് എന്നയാളുടെ വീട്ടിലേക്കാണ് പാഞ്ഞ് കയറിയത്. വീട് ഭാഗികമായി തകര്ന്നു.
15ല് അധികം പേര്ക്ക് ഗുരുതര പരിക്കുണ്ട്. പരിക്കേറ്റവരെ കാഞ്ഞങ്ങാട്ടെ വിവിധ ആശുപത്രികളില് പ്രവേശിപ്പിച്ചു. മരിച്ചവരുടെ മൃതദേഹങ്ങള് പൂടംകല്ല് സര്ക്കാര് ആശുപത്രിയിലേക്ക് മാറ്റി.
