സ്വന്തം ലേഖകന്‍
ആലപ്പുഴ : കുട്ടികളുടെ അശ്ലീല ദൃശ്യങ്ങള്‍ ഡൗണ്‍ലോഡ് ചെയ്യുന്നവരെ തേടി തൃക്കുന്നപ്പുഴ പോലീസ് ഇറങ്ങിയപ്പോള്‍ പിടിയിലായത് അച്ഛനും മകനും. ഞായറാഴ്ച പുലര്‍ച്ചയാണ് സംഭവം.
മകനെ ചോദ്യം ചെയ്തപ്പോഴാണ് സത്യം പുറത്തായത്. സ്വന്തം ഫോണിന് പുറമേ അച്ഛന്റെ ഫോണും കുട്ടികളുടെ അശ്ലീല വിഡിയോകള്‍ ഡൗണ്‍ലോഡ് ചെയ്യുന്നതിനായി മകന്‍ ഉപയോഗിക്കുകയായിരുന്നു. സംഭവം അച്ഛന്‍ അറിഞ്ഞിരുന്നതേയില്ല.
Whatsapp Group 1 | Whatsapp Group 2 |Telegram Group
വിശദമായ ചോദ്യം ചെയ്യലിനൊടുവില്‍ 22വയസുള്ള മകനെ പോലീസ് അറസ്റ്റ് ചെയ്ത് കേസ് രജിസ്റ്റര്‍ ചെയ്തു.
വീയപുരത്തും സമാനമായ കേസില്‍ യുവാവിനെ പോലീസ് അറസ്റ്റ് ചെയ്തു. ഞായറാഴ്ച പുലര്‍ച്ചെ സംസ്ഥാന വ്യാപകമായി നടത്തിയ തിരച്ചിലിലാണ് മൊബൈല്‍ ഫോണുകളില്‍ കുട്ടികളുടെ അശ്ലീല ദൃശ്യങ്ങള്‍ സ്ഥിരീകരിച്ചവര്‍ക്കെതിരെ പോലീസ് കയ്യോടെ നടപടിയെടുത്തത്.
ഇവരുടെ കയ്യില്‍ നിന്നും പിടിച്ചെടുത്ത ഫോണുകള്‍ തിരുവനന്തപുരത്തെ ഫോറന്‍സിക് ലാബില്‍ പരിശോധിച്ച ശേഷം പോക്സോ നിയമപ്രകാരം നടപടിയെടുക്കും. ഐ ടി നിയമം ബി പ്രകാരവും ഇവര്‍ക്കെതിരെ കേസ് ചുമത്തും.
